ବଲାଙ୍ଗିର(ଘଟେଶ୍ୱର ମିଶ୍ର): ବଲାଙ୍ଗିର ଜିଲ୍ଲା ପୁଇଁନ୍ତଲା ଥାନା କାଲିଭନା ଛକରେ ଦୁଇ ବାଇକ ମୁହାଁମୁହିଁ ଧକ୍କା ହେବାରୁ ଜଣେ ଯୁବକଙ୍କ ମୃତ୍ୟୁ ଘଟିଛି। ଅନ୍ୟ ବାଇକ୍ ଆରୋହୀ ଫେରାର ହୋଇଯାଇଥିବା ଜଣାପଡ଼ିଛି। ମୃତକ ହେଲେ ସ୍ଥାନୀୟ ରାଣିକଟା ଗାଁର ଇନ୍ଦ୍ରଜିତ ସା।
ଦୁର୍ଘଟଣା ପରେ ଘଟଣା ସ୍ଥଳରେ ଉତ୍ତେଜନା ପ୍ରକାଶ ପାଇଛି। ଉତ୍ତ୍ୟକ୍ତ ଲୋକେ ମୃତଦେହ ରଖି ୨୬ ନମ୍ୱର ଜାତୀୟ ରାଜପଥକୁ ଅବରୋଧ କରିଥିଲେ। ଯାହାଫଳରେ ଗାଡ଼ି ଚଳାଚଳ ଠପ୍ ହୋଇଯାଇଛି। ପୁଇଁନ୍ତଲା ତହସିଲଦାର ଘଟଣାସ୍ଥଳରେ ପହଚିଂ ଦଶ ହଜାର ଟଙ୍କାର କ୍ଷତିପୂରଣ ଦେବା ପାଇଁ କହିଥିଲେ। ଏହା ସତ୍ତ୍ୱେ ରାସ୍ତାରୋକ ପ୍ରତ୍ୟାହୃତ ହୋଇନଥିଲା। ଆନ୍ଦୋଳନକାରୀମାନେ ଅଧିକ କ୍ଷତିପୂରଣ ଦାବି କରିଥିଲେ। ଖବର ଲେଖା ହେବା ପର୍ଯ୍ୟନ୍ତ ଆନ୍ଦୋଳନ ଜାରି ରହିଛି। ପୁଇଁନ୍ତଲା ପୁଲିସ ଆନ୍ଦୋଳନକାରୀଙ୍କ ସହିତ ଏବେ ମଧ୍ୟ ଆଲୋଚନା କରୁଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
