ଶୋଇଥିବା ବେଳେ ଘର ଉପରେ ପଡ଼ିଲା ଗଛ ଓ ପାଚେରି; ଜଣେ ମୃତ, ୨ଆହତ

ଜଳେଶ୍ୱର(ଅଜିତ ଦାସ): ମୃତ୍ୟୁ କେତେବେଳେ ଆସେ କେମିତି ଆସେ ଜାଣି ହୁଏ ନାହିଁ। ଏପରି ଘଟଣା ଘଟିଯାଇଛି ଏକ ପରିବାର ସାଙ୍ଗରେ। ଘରେ ବାପାମା’ ୩ ଛୁଆ ଶୋଇଥିବା ବେଳେ ଘର ଉପରେ  ଭୁଶୁଡ଼ି ପଡ଼ିଲା ସ୍କୁଲ ପାଚେରି ଓ ଗଛ। କାନ୍ଥ ତଳେ ଚାପି ହୋଇ ଜଣେ ଶିଶୁକନ୍ୟାର ମୃତ୍ୟୁ ଘଟିଥିବା ବେଳେ ଦୁଇ ଜଣ ଶିଶୁ ଗୁରୁତର ହୋଇଛନ୍ତି। ଏଭଳି ଘଟଣା ଘଟିଛି ବାଲେଶ୍ୱର ଜିଲ୍ଲା ବାଲିଆପାଳ ବ୍ଲକ୍ ଅନ୍ତର୍ଗତ ମଧୁପୁରା ଗାଁରେ। ମୃତ […]

balasore

balasore

Tapaswini Nayak
  • Published: Saturday, 20 August 2022
  • Updated: 20 August 2022, 10:53 AM IST

Sports

Latest News

ଜଳେଶ୍ୱର(ଅଜିତ ଦାସ): ମୃତ୍ୟୁ କେତେବେଳେ ଆସେ କେମିତି ଆସେ ଜାଣି ହୁଏ ନାହିଁ। ଏପରି ଘଟଣା ଘଟିଯାଇଛି ଏକ ପରିବାର ସାଙ୍ଗରେ। ଘରେ ବାପାମା’ ୩ ଛୁଆ ଶୋଇଥିବା ବେଳେ ଘର ଉପରେ  ଭୁଶୁଡ଼ି ପଡ଼ିଲା ସ୍କୁଲ ପାଚେରି ଓ ଗଛ। କାନ୍ଥ ତଳେ ଚାପି ହୋଇ ଜଣେ ଶିଶୁକନ୍ୟାର ମୃତ୍ୟୁ ଘଟିଥିବା ବେଳେ ଦୁଇ ଜଣ ଶିଶୁ ଗୁରୁତର ହୋଇଛନ୍ତି। ଏଭଳି ଘଟଣା ଘଟିଛି ବାଲେଶ୍ୱର ଜିଲ୍ଲା ବାଲିଆପାଳ ବ୍ଲକ୍ ଅନ୍ତର୍ଗତ ମଧୁପୁରା ଗାଁରେ। ମୃତ ଶିଶୁ କନ୍ୟା ଜଣଙ୍କ ହେଲେ ସମିନା ଖାତୁନ। ତାଙ୍କୁ ୪ବର୍ଷ ହୋଇଥିଲା। ଅମିନା ଖାତୁନ ଓ ସେକ୍ ଆରେନ ଅବସ୍ଥା ଗୁରୁତର ଥିବାରୁ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ହେଲେ ବାପା ସେକ୍ ଆନସାର ଓ ତାଙ୍କ ପତ୍ନୀଙ୍କର କିଛି ହୋଇନାହିଁ।

ସେକ୍ ଆନସାରଙ୍କ ଘର ମଧୁପୁର ସରକାରୀ ବିଦ୍ୟାଳୟ ନିକଟରେ। ଗତକାଲି ବିଳମ୍ବିତ ରାତିରେ ସ୍କୁଲ ପାଚେରି ଉପରେ ଏକ ଗଛ ଭାଙ୍ଗି ପଡ଼ିଥିଲା। ପାଚେରିଟି ଭାରସାମ୍ୟ ହରାଇ ସେକ୍ ଆନସାରଙ୍କ ଘର ଉପରେ ପଡ଼ି ଯାଇଥିଲା। ଏହାସହ  ପାଚେରି ଉପରେ ଭାଙ୍ଗି ପଡ଼ିଥିବା ଗଛଟି ମଧ୍ୟ ଘର ଉପରେ ପଡ଼ିଯାଇଥଲା।। ସେହି ସମୟରେ ସେକ୍ ଆନସାର ତାଙ୍କ ପତ୍ନୀ ଓ ତାଙ୍କ ୩ଛୁଆ ଘରେ ଶୋଇଥିଲେ।

କାନ୍ଥ ତଳେ ଚାପି ହୋଇ ଜଣେ ଶିଶୁକନ୍ୟାର ମୃତ୍ୟୁ ଘଟିଥିବା ବେଳେ ୨ ପିଲା ଗୁରୁତର ଆହତ ହୋଇଥିଲେ। ସେମାନଙ୍କୁ ପ୍ରଥମେ ବାଲିଆପାଳ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା। ସମିନାଙ୍କୁ ଅବସ୍ଥା ଗୁରୁତର ଥିବାରୁ ତାଙ୍କୁ କଟକ ସ୍ଥାନାନ୍ତର କରାଯାଇଥିଲା। କଟକ ଯିବା ବାଟରେ ତାଙ୍କର ମୃତ୍ୟୁ ଘଟିଥିଲା। ରେଡ୍‌କ୍ରସ ପକ୍ଷରୁ ସେକ୍ ଆନସାରଙ୍କୁ ୧୦ ହଜାର ଟଙ୍କା ପ୍ରଦାନ କରାଯାଇଛି। ଏହାସହ ଏକ ପକ୍କା ଘର ଦିଆଯିବ ବୋଲି ପ୍ରତିଶ୍ରୁତି ଦିଆଯାଇଛି।

ଲଘୁଚାପ ଜନିତ ବର୍ଷା ରାଜ୍ୟରେ ଲାଗି ରହିଛି।  ଫଳରେ ଓଡ଼ିଶାରେ ମଧ୍ୟମ ଧରଣର ବନ୍ୟା ପରିସ୍ଥିତି ସୃଷ୍ଟି ହୋଇଛି।

 

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos