ବ୍ରହ୍ମପୁର(ଜଗନ୍ନାଥ ସାହୁ): ସାଉଦି ଆରବରେ ଜଣେ ଓଡ଼ିଆ ଶ୍ରମିକଙ୍କ ମୃତ୍ୟୁ ଘଟିଛି। ତାଙ୍କ ନାଁ କେ.ରାମା ରାଓ। ତାଙ୍କ ଘର ଗଞ୍ଜାମ ଜିଲ୍ଲା ଗୋଳନ୍ଥରା ଥାନା ଅନ୍ତର୍ଗତ କୋଠାରସିଂ ଗାଁରେ। ସେ ସାଉଦି ଆରବରେ ଏପିଟିସି ରେସିମିକ୍ସ କଂକ୍ରିଟ କମ୍ପାନୀରେ ଡ୍ରାଇଭର ଭାବେ କାମ କରୁଥିଲେ।
ସୂଚନାଯୋଗ୍ୟ, ପ୍ରାୟ ୨ ମାସ ହେବ ରାମା ରାଓ ଅସୁସ୍ଥ ଥିଲେ। ତେଣୁ ସେ ଭାରତ ଆସିବାକୁ ଚାହିଁଥିଲେ ମଧ୍ୟ କରୋନା ପାଇଁ ଆନ୍ତର୍ଜାତିକ ବିମାନ ସେବା ବନ୍ଦ ଥିବା ଯୋଗୁ ସେ ଆସିପାରି ନଥିଲେ। ହେଲେ ଗତକାଲି ତାଙ୍କର ହୃଦ୍ଘାତ ହେବାରୁ ଏକ ସରକାରୀ ଡାକ୍ତରଖାନାରେ ଭର୍ତ୍ତି ହୋଇଥିଲେ। ସେଠାରେ ତାଙ୍କର ମୃତ୍ୟୁ ଘଟିଛି। କେ.ରାମାଙ୍କ ମୃତଦେହ ତାଙ୍କ ଘରକୁ ଆଣିବା ପାଇଁ ପରିବାର ଲୋକେ ଗଞ୍ଜାମ ଜିଲ୍ଲା ପ୍ରଶାସନ, ରାଜ୍ୟ ସରାକର ଏବଂ କେନ୍ଦ୍ର ସରକାରଙ୍କୁ ଅନୁରୋଧ କରିଛନ୍ତି।