ଗୃହ ଓ ନଗର ଉନ୍ନୟନ ବିଭାଗର ଜୁନିୟର ଆକାଉଣ୍ଟାଣ୍ଟ ପରୀକ୍ଷା ବାତିଲ୍। ରବିବାର ହୋଇଥିବା ପ୍ରିଲିମନାରୀ ପରୀକ୍ଷା ବାତିଲ କଲା ଓଡ଼ିଶା ଷ୍ଟାଫ୍ ସିଲେକ୍ସନ କମିଶନ(ଓଏସ୍ଏସ୍ସି)। ଓଡ଼ିଆ ପ୍ରଶ୍ନପତ୍ରରେ ମୁଦ୍ରଣ ତ୍ରୁଟି ଥିବାରୁ ବାତିଲ ହେଲା ପରୀକ୍ଷା। ସାନି ପରୀକ୍ଷା ନେଇ ଖୁବଶୀଘ୍ର ଘୋଷଣା ହେବ ତାରିଖ।
ସୂଚନାରୁ ପ୍ରକାଶ, ଓଏସ୍ଏସ୍ସି ପକ୍ଷରୁ ପ୍ରକାଶ ପାଇଥିବା ବିଜ୍ଞାପନରେ ଓଡ଼ିଆରେ ପ୍ରଶ୍ନପତ୍ର ଆସିବ ବୋଲି କୁହାଯାଇଥିଲା। ଏହି ଖବର ସାମ୍ନାକୁ ଆସିବା ପରେ ପରୀକ୍ଷାର୍ଥୀମାନେ ବେଶ୍ ଖୁସି ପ୍ରକଟ କରିଥିଲେ। ସେହି ହିସାବରେ ପ୍ରସ୍ତୁତି ମଧ୍ୟ କରିଥିଲେ। ହେଲେ ରବିବାର ହୋଇଥିବା ପ୍ରିଲିମନାରୀ ପରୀକ୍ଷାରେ ପ୍ରଶ୍ନପତ୍ର ଦେଖି ପରୀକ୍ଷାର୍ଥୀଙ୍କ ଅକଲ ଗୁଡୁମ୍ ହୋଇଯାଇଥିଲା। ପ୍ରଶ୍ନପତ୍ରରେ ଓଡ଼ିଆ ଶବ୍ଦ ଗୁଡ଼ିକୁ ଠିକ୍ ଭାବେ ଲେଖା ଯାଇନଥିଲା। ଯେମିତି ‘ପାଖରେ’ ବଦଳରେ ‘ପାଖର’ ଓ ‘ଟଙ୍କା’ ବଦଳରେ ‘ଟଙ୍କାର’ ଏମିତି କେତେକ କ’ଣ ଓଡ଼ିଆ ଶବ୍ଦକୁ ବିକୃତ କରି ଲେଖାଯାଇଥିଲା। ଯେଉଁଥିପାଇଁ ପରୀକ୍ଷାର୍ଥୀମାନେ ଠିକ୍ ଭାବେ ଉତ୍ତର ଦେଇପାରିନଥିଲେ।
Also Read
ପ୍ରିଲିମନାରୀ ପରୀକ୍ଷାରେ ଏପରି ଭୟଙ୍କର ତ୍ରୁଟିକୁ ନେଇ ବିଭିନ୍ନ ମହଲରେ ଅସନ୍ତୋଷ ପ୍ରକାଶ ପାଇଥିଲା। ରାଜ୍ୟ ସରକାର ଶିକ୍ଷିତ ଛାତ୍ରଛାତ୍ରୀଙ୍କ କ୍ୟାରିୟର ସହିତ ଖେଳୁଛନ୍ତି ବୋଲି ମତପ୍ରକାଶ ପାଇଥିଲା। ଆଜି ସରକାର ଉକ୍ତ ପରୀକ୍ଷାକୁ ବାତିଲ୍ କରିଛନ୍ତି। ଆଉ ଥରେ ପରୀକ୍ଷା କରିବାକୁ ନିଷ୍ପତ୍ତି ନେଇଛନ୍ତି। ତେବେ ଏଠି ପ୍ରଶ୍ନ ଉଠୁଛି, ପ୍ରଶ୍ନପତ୍ର ତ୍ରୁଟି ପାଇଁ ଦାୟୀ କିଏ? ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ହେବ ନା ସବୁ ଘଟଣା ପରି ଏହାକୁ ଚପାଇ ଦିଆଯିବ।
ସେପଟେ ପରୀକ୍ଷାରେ ଏପରି ତ୍ରୁଟିକୁ ନେଇ ବର୍ଷିଥିଲା ବିଜେପି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
