ଭୁବନେଶ୍ୱର: ପାରାଦୀପ ନିକଟରେ ମହାନଦୀରେ ଏକ ନଦୀଭିତ୍ତିକ ବନ୍ଦର ନିର୍ମାଣ ଓ ମହାନଦୀର ରାମନଗର-ବାହାକୁଦ-ମୂଷାଢ଼ିଆ ରାସ୍ତାରେ ଏକ ହାଇଲେଭଲ୍ ସେତୁ ନିର୍ମାଣ ସମ୍ପର୍କରେ ସଚିବାଳୟରେ ଆଲୋଚନା ହୋଇଛି। ମୁଖ୍ୟ ଶାସନ ସଚିବ ଆଦିତ୍ୟ ପ୍ରସାଦ ପାଢ଼ୀଙ୍କ ସହ କେନ୍ଦ୍ରାପଡ଼ା ସାଂସଦ ବୈଜୟନ୍ତ ପଣ୍ଡା ଏନେଇ ଆଲୋଚନା କରିଛନ୍ତି। ବୈଠକରେ ବାଣିଜ୍ୟ ଓ ପରିବହନ ସଚିବ, ପୂର୍ତ୍ତ ବିଭାଗ ମୁଖ୍ୟଯନ୍ତ୍ରୀ ଓ ଆନ୍ତଃରାଜ୍ୟ ଜଳପଥ ପରିବହନ ବନ୍ଦର ନିର୍ଦ୍ଦେଶକ ପ୍ରମୁଖ ଉପସ୍ଥିତ ଥିଲେ । ମହାନଦୀ ନିକଟରେ ଏକ ନଦୀଭିତ୍ତିକ ବନ୍ଦର ପ୍ରତିଷ୍ଠା ହେଲେ କେନ୍ଦ୍ରାପଡ଼ା ଓ ଜଗତସିଂହପୁର ଜିଲ୍ଲାର ବହୁ ଲୋକ ନିଯୁକ୍ତି ପାଇବା ସହ ଶିଳ୍ପାୟନ ବୃଦ୍ଧି ହୋଇ ପାରିବ ବୋଲି ସାଂସଦ ବୈଜୟନ୍ତ ପଣ୍ଡା କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
