ଖଟିଆରେ ବୁହା ହେଲେ ରୋଗୀ

ଚାନ୍ଦବାଲି(ବାସୁଦେବ ଦାସ): ପୁଣି ଖଟିଆରେ ବୁହାହେଲେ ରୋଗୀ। ଭଦ୍ରକ ଜିଲ୍ଲା ନଳଗୋହିରା ପଞ୍ଚାୟତର ନୂଆଗାଁରେ ଏହି ଚିତ୍ର ଦେଖିବାକୁ ମିଳିଛି।

ସୂଚନାଅନୁସାରେ, ଗାଁର ଦିଲୀପ ବିଶ୍ଵାଳ କ୍ୟାନସର ରୋଗରେ ଆକ୍ରାନ୍ତ ଅଛନ୍ତି। ଆଜି ସକାଳେ ସେ ଅସୁସ୍ଥ ଅନୁଭବ କରିବାରୁ ୧୦୮ ଆମ୍ୱୁଲାନ୍ସକୁ ପରିବାର ଲୋକେ ଫୋନ୍ କରିଥିଲେ। ହେଲେ ରାସ୍ତା ଖରାପ ଯୋଗୁ ଆମ୍ୱୁଲାନ୍ସ ତାଙ୍କ ଗାଁଠାରୁ ୧ କିମି ଦୂର ଅଟକି ରହିଯାଇଥିଲା। ଏହାପରେ ଦିଲୀପଙ୍କ ପରିବାର ଓ ଗାଁ ଲୋକେ ତାଙ୍କୁ ଏକ ଖଟିଆରେ ବୋହି ଆମ୍ୱୁଲାନ୍ସ ନିକଟକୁ ଆଣିଥିଲେ।  ସେଠାରୁ ତାଙ୍କୁ ଚାନ୍ଦବାଲି ଡାକ୍ତରଖାନା ନିଆଯାଇଥିଲା।

ଅନ୍ୟପକ୍ଷରେ ଏହି ଗାଁରେ ପାଖାପାଖି ୧୦୦ରୁ ଅଧିକ ଲୋକ ବସବାସ କରନ୍ତି। ଗାଁର ରାସ୍ତା ମରାମତି ପାଇଁ ଲୋକେ ବାରମ୍ୱାର ପ୍ରଶାସନକୁ ଜଣାଇଥିଲେ ମଧ୍ୟ କେହି ଶୁଣୁ ନଥିବା ଲୋକେ ଅଭିଯୋଗ କରିଛନ୍ତି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।