ଫୁଲବାଣୀ(ତ୍ରିନାଥ ସାହୁ): ଫୁଲବାଣୀ ପୌରପାଳିକା ଏବଂ ବାଲିଗୁଡ଼ା NACକୁ ୪ ଦିନିଆ ଶଟଡାଉନ୍ ଘୋଷଣା କଲେ କନ୍ଧମାଳ ଜିଲ୍ଲାପାଳ । ଜିଲ୍ଲାରେ କରୋନା ସଂକ୍ରମଣକୁ ରୋକିବା ପାଇଁ ଜିଲ୍ଲାର ଦୁଇ ସହର ଫୁଲବାଣୀ ପୌରପାଳିକା ଏବଂ ବାଲିଗୁଡ଼ା NACକୁ ଶଟଡାଉନ୍ ଘୋଷଣା କରିଛନ୍ତି ।
ଆସନ୍ତା ୧୭ ତାରିଖ ସନ୍ଧ୍ୟା ୭ଟାରୁ ୨୨ ତାରିଖ ସକାଳ ୬ଟା ପର୍ଯ୍ୟନ୍ତ ୪ ଦିନିଆ ଶଟଡାଉନ୍ ଘୋଷଣା କରିଛନ୍ତି ଜିଲ୍ଲାପାଳ । ଏହି ସମୟରେ ସ୍ୱାସ୍ଥ୍ୟ ବିଭାଗର ସ୍ୱତନ୍ତ୍ର ଟିମ୍ ସହରର ବିଭିନ୍ନ ଓ୍ୱାର୍ଡରେ ଘରକୁ ଘର ବୁଲି ସମସ୍ତଙ୍କ ସ୍ୱାସ୍ଥ୍ୟ ଯାଞ୍ଚ କରିବେ ।
ଅପରପକ୍ଷେ ଫୁଲବାଣୀ ଷ୍ଟେଟ୍ ବ୍ୟାଙ୍କ ଅଫ ଇଣ୍ଡିଆର ରିଜିଓନାଲ ବିଜନେସ୍ ଅଫିସ୍ର ଜଣେ କର୍ମଚାରୀ କରୋନା ସଂକ୍ରମିତ ବାହାରିଥିବାରୁ ଏହି କାର୍ଯ୍ୟାଳୟ ଓ ବ୍ୟାଙ୍କ ଶାଖାରେ ୭ ଦିନିଆ ସେବା ବନ୍ଦ ରଖିବାକୁ ଜିଲ୍ଲାପାଳ ନିର୍ଦ୍ଦେଶ ଦେଇଛନ୍ତି।