ରାତିରେ ମାଓ ହମଲା; ଜଣେ ଯବାନ ସହିଦ, ୬ ଆହତ

<p>ଫୁଲବାଣୀ: କନ୍ଧମାଳ ଜିଲ୍ଲା ବାଲିଗୁଡ଼ା ଖମଣଖୋଲ ନିକଟ ଜଙ୍ଗଲରେ ମାଓ ହମ୍&zwnj;ଲାରେ ଜଣେ ଯବାନ ସହିତ ହୋଇଥିବା ବେଳେ ଜଣେ ଡ୍ରାଇଭର ସମେତ ୬ ଯବାନ ଆହତ ହୋଇଛନ୍ତି। ୩ ଜଣ ଆହତଙ୍କୁ ଫୁଲବାଣୀ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି। ଗୁରୁତର ଆହତ ହୋଇଥିବା ଅନ୍ୟ ଯବାନଙ୍କୁ ବ୍ରହ୍ମପୁର ସ୍ଥାନାନ୍ତର କରାଯାଇଛି। ମୃତ ଯବାନଙ୍କ ନାଁ ଲକ୍ଷ୍ମୀକାନ୍ତ ଜାନି। ତାଙ୍କ ଘର କଳାହାଣ୍ଡିରେ।</p> <p>ଗତକାଲି ବିଳମ୍ବିତ ରାତିରେ ଏହି ଯବାନମାନେ କମ୍ବିଂ ସାରି ଫେରୁଥିବା ବେଳେ ମାଓବାଦୀମାନେ ଅତର୍କିତ ଆକ୍ରମଣ କରିଥିଲେ।</p> <p>ଘଟଣାସ୍ଥଳରେ ସର୍ଚ୍ଚ ଅପରେସନ୍ ଜାରି ରହିଛି ବୋଲି ଦକ୍ଷିଣାଞ୍ଚଳ ଆଇଜି ଅମିତାଭ ଠାକୁର କହିଛନ୍ତି।</p> <p>ଖମଣଖୋଲ ଜଙ୍ଗଲରେ ମାଓ ହମ୍ଲାର ଅନୁଧ୍ୟାନ କରି ଫେରିବା ପରେ ଡିଜିପି କେବି ସିଂହ କହିଛନ୍ତି,&ldquo;ଯବାନମାନେ କମ୍ବିଂ ସାରି ଫେରିବା ବେଳେ ଆକ୍ରମଣ ହୋଇଛି। ମାଓବାଦୀମାନେ ଆମ୍ବୁସ ଲଗାଇ ଆକ୍ରମଣ କରିଥିଲେ। ଆମ ଯବାନମାନେ ଅସୀମ ସାହସ ସହ ମୁକାବିଲା କରିଥିଲେ। ପ୍ରତିଆକ୍ରମଣ ସ୍ୱରୂପ ଯବାନମାନେ ଗୁଳି ସହ ଗ୍ରେନେଡ୍&zwnj; ମାଡ଼ କରିଥିଲେ। ଷ୍ଟାଣ୍ଡାର୍ଡ ଅପରେସନ ପ୍ରୋସିଜ୍ୟୋର ପାଳନ ହୋଇଛି। ଏବେ ସୁଦ୍ଧା ଆମ ଯବାନଙ୍କ ମନୋବଳ ଦୃଢ ଅଛି। ମାଓବାଦୀଙ୍କ ଆକ୍ରମଣର କଡ଼ା ଜବାବ ଦେବୁ।&rdquo;</p>