ଆଜ୍ଞା ଶୀଘ୍ର ଆସନ୍ତୁ! ବ୍ୟସ୍ତ ହୁଅନି, ଆମେ ଯାଉଛୁ!

ରୋଗୀ ଗୁରୁତର ଅଛି, ସାର୍, ଶୀଘ୍ର ଆସନ୍ତୁ! ବ୍ୟସ୍ତ ହୁଅନି, ଆମେ ଯାଉଛୁ। ଆଜ୍ଞା, କେଉଁଠି ହେଲେଣି? ବ୍ୟସ୍ତ ହୁଅନି, ଆମେ ରାସ୍ତାରେ ଅଛୁ! ଆଜ୍ଞା, କେଉଁଠି ପହଞ୍ଚିଲେଣି? ଆମେ ଆପଣଙ୍କ ପାଖାପାଖି ପହଞ୍ଚିଗଲୁଣି। ଏତିକି ସମୟ ଭିତରେ ରୋଗୀ ଜଣଙ୍କ ଶେଷ ନିଃଶ୍ୱାସ ତ୍ୟାଗ କରିସାରିଥିବେ। ଆମେ କହୁଛୁ, ସରକାରଙ୍କ ଜରୁରୀକାଳୀନ ଆମ୍ବୁଲାନ୍ସ ସେବା କଥା। ଅଧିକାଂଶ ସମୟରେ ରାଜ୍ୟର ବିଭିନ୍ନ ସ୍ଥାନରୁ ଏହି ସମାନ ଅଭିଯୋଗ ଆସେ। କେଉଁଠି ରାସ୍ତା ଆବଡ଼ାଖାବଡ଼ା ଯୋଗୁ ଆମ୍ବୁଲାନ୍ସ ଆସିପାରିଲାନି ତ ପୁଣି କେତେବେଳେ ବିଳମ୍ବରେ ପହଞ୍ଚିଲା ଆମ୍ବୁଲାନ୍ସ। ଏଠି ଆପଣ କାହାକୁ ଦୋଷ ଦେବେ? ଆମ୍ବୁଲାନ୍ସ ସେବାରେ ନିୟୋଜିତ ଥିବା କର୍ମଚାରୀଙ୍କ ବେପରୱା ମନୋଭାବକୁ ନା ଜରୁରୀକାଳୀନ ସେବାରେ ଲାଗିଥିବା ମରାମତି ଅଭାବରୁ ତ୍ରୁଟିଯୁକ୍ତ ଆମ୍ବୁଲାନ୍ସକୁ?