ଆଳି(ବନମାଳୀ ସାହୁ): ପୁଲିସକୁ ମହଙ୍ଗା ପଡ଼ିଲା ଡିଜେ ଉପରେ କଟକଣା। କେନ୍ଦ୍ରାପଡ଼ା ଜିଲ୍ଲା ଆଳି ଅଞ୍ଚଳରେ ପୁଲିସ୍ର ପାଟ୍ରୋଲିଂ ଟିମ୍ ଉପରକୁ ସଂଘବଦ୍ଧ ଆକ୍ରମଣ ହୋଇଛି। ନିଆଳ-ଗୌଡ଼ପାଟଣା ଛକରେ ପ୍ରାୟ ୪୦ ଜଣ ଲୋକ ପାଟ୍ରୋଲିଂ ଗାଡ଼ି ଉପରକୁ ଅତର୍କିତ ଆକ୍ରମଣ କରିଛନ୍ତି। ଫଳରେ ଜଣେ ଏଏସ୍ଆଇଙ୍କ ସମେତ ୫ ଜଣ ପୁଲିସ କର୍ମଚାରୀ ଆହତ ହୋଇଛନ୍ତି। ସେମାନଙ୍କୁ ଆଳି ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି। ଲୋକମାନେ ପାଟ୍ରୋଲିଂ ଗାଡ଼ି ମଧ୍ୟ ଭଙ୍ଗାରୁଜା କରିଛନ୍ତି।
ପୂର୍ବରୁ ଗଣେଶ ପୂଜା ଭସାଣିରେ ଡିଜେ ନବଜାଇବା ପାଇଁ ଆଳି ପୁଲିସ ପକ୍ଷରୁ ସମସ୍ତ ପୂଜା କମିଟିକୁ ଡାକି ନିର୍ଦ୍ଦେଶ ଦିଆଯାଇଥିଲା। ଏହାକୁ କେନ୍ଦ୍ର କରି ସଂଘବଦ୍ଧ ଆକ୍ରମଣ ହୋଇଥିବା ପୁଲିସ କହିଛି। ପୁଲିସ ଏକ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
