ଶ୍ରୀମନ୍ଦିରରୁ ବଡ଼ରାଉଳ ଠାକୁରାଣୀଙ୍କ ପାଖକୁ ଗଲା ମାଳ ଓ ମହାପ୍ରସାଦ

ପୁରୀ (ଓଡ଼ିଶା ରିପୋର୍ଟର): ଆଗାମୀ ରଥଯାତ୍ରା ପାଇଁ ଆରମ୍ଭ ହୋଇଛି ପ୍ରସ୍ତୁତି। ଶ୍ରୀମନ୍ଦିରରୁ ମାଳ ଓ ମହାପ୍ରସାଦ ନେଇ ନୀତି ପ୍ରଶାସକଙ୍କ ନେତୃତ୍ୱରେ ଏକ ପ୍ରତିନିଧି ଦଳ ନୟାଗଡ଼ ବନଖଣ୍ଡ ଅନ୍ତର୍ଗତ ବଡ଼ରାଉଳ ଠାକୁରାଣୀଙ୍କୁ ନିମନ୍ତ୍ରଣ ଲାଗି ଯାତ୍ରା କରିଛନ୍ତି। ମଙ୍ଗଳବାର ବଡ଼ରାଉଳ ଠାକୁରାଣୀଙ୍କ ମନ୍ଦିରରେ ହୋମ, ପୂଜାର୍ଚ୍ଚନା ଆଦି କରାଯିବ। ଠାକୁରାଣୀଙ୍କୁ ମାଳ ଓ ମହାପ୍ରସାଦ ଲାଗି କରାଯିବ। ଏହାପରେ ମହାପ୍ରଭୁଙ୍କ ରଥ ନିର୍ମାଣ ପାଇଁ ଆବଶ୍ୟକ ଅସନ, ଫାସି ଓ ଧଉରା କାଠ ଆଦିକୁ କଟାଯିବା ପାଇଁ ମାଆ ବଡରାଉଳ ଠାକୁରାଣୀଙ୍କ ଅନୁମତି ପ୍ରଦାନ କରିବାର ପ୍ରଥା ପରମ୍ପରା ରହିଆସିଛି।

ସେହି ଅନୁସାରେ ନୟାଗଡ଼ ବନଖଣ୍ଡ ପକ୍ଷରୁ କାଠ କଟା ପ୍ରସ୍ତୁତି ଆରମ୍ଭ ହେବ।