ପୁରୀ: ୨ଟି ବିରଳ ବେଲେରା ମୂଷା ଉଦ୍ଧାର

ପୁରୀ: ପୁରୀ ବେଳାଭୂମି ନିକଟ ବାଲିନୋଳିଆ ସାହିରୁ ୨ଟି ବିରଳ ବେଲେରା ମୂଷା ଉଦ୍ଧାର କରାଯାଇଛି। ଏହି ବେଲେରା ମୂଷା ବା ଜିଆଣ୍ଟ ସ୍କୁଲରାଲ ସିଡ୍ୟୁଲ ୧ ଶ୍ରେଣୀ ଅନ୍ତର୍ଭୁକ୍ତ। ଉଦ୍ଧାର ହୋଇଥିବା ଏହି ମୂଷା ଦୁଇଟିକୁ ଲୁହା ପଞ୍ଜରାରେ ରଖାଯାଇଥିଲା। ଏ ସମ୍ପର୍କରେ ଖବର ପାଇବା ପରେ ଖୋର୍ଦ୍ଧା ବନ ବିଭାଗ ଓ ପୁରୀ ବନଖଣ୍ଡ ଅଧିକାରୀ ସହଯୋଗରେ ମୂଷା ଦୁଇଟିକୁ ଉଦ୍ଧାର କରାଯାଇଥିଲା।

ବନ ବିଭାଗ ୱାର୍ଡେନ ଶୁଭେନ୍ଦୁ ମଲ୍ଲିକ କହିଛନ୍ତି, “ଉଦ୍ଧାର ମୂଷା ଦୁଇଟିକୁ ନନ୍ଦନକାନନ ପଠାଯିବ। ପରେ ନିଷ୍ପତ୍ତି ଅନୁସାରେ ପଦକ୍ଷେପ ନିଆଯିବ। ଏହା ଏକ ବିରଳ ପ୍ରଜାତିର ମୂଷା ହୋଇଥିବାରୁ ଏହାକୁ ରଖିଥିବା ବ୍ୟକ୍ତିଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।”