ବିନା ଶ୍ରଦ୍ଧାଳୁରେ ଶେଷ ହେଲା ଚନ୍ଦ୍ରଭାଗା ବୁଡ଼

କୋଣାର୍କା(ସଞ୍ଜୟ ପତି): କୋଭିଡ କଟକଣା ମଧ୍ୟରେ ବିନା ଶ୍ରଦ୍ଧାଳୁରେ ପବିତ୍ର ମାଘ ସପ୍ତମୀରେ ଶାନ୍ତିଶୃଙ୍ଖଳା ମଧ୍ୟରେ ପ୍ରସିଦ୍ଧ ଚନ୍ଦ୍ରଭାଗା ବୁଡ଼ ଶେଷ ହୋଇଛି  ।  କଟକଣା ମଧ୍ୟରେ ନିର୍ଦ୍ଧାରିତ ସେବାୟତଙ୍କୁ ନେଇ ଠାକୁରଙ୍କ ରୀତିନୀତି କରାଯାଇଛି ।

[caption id="attachment_620445" align="aligncenter" width="650"] ଶ୍ରଦ୍ଧାଳୁମାନେ ଚନ୍ଦ୍ରଭାଗା ବୁଡ଼ ପକାଉଛନ୍ତି।[/caption]

ଗତକାଲି ରାତି ୯ଟା ସମୟରେ ମଧିପୂରର ତ୍ରିବେନିଶ୍ୱର, ସନ୍ତପୁର ଗ୍ରାମର ଐଶାନେଶ୍ୱର , କୁରୁଜଙ୍ଗ ଗ୍ରାମର ମହାପ୍ରଭୁ ଦଖିନେଶ୍ୱରଙ୍କ ବିମାନକୁ ବିଜେ କରି ପାରମ୍ପାରିକ ଶୋଭାଯାତ୍ରାରେ କୋଣାର୍କ ଏନଏସି କାର୍ଯ୍ୟାଳୟ ନିକଟକୁ ନିଆଯାଇଥିଲା। ଏହାପରେ ଭୋର ସାଢେ ୪ଟା ସମୟରେ ମହାପ୍ରଭୁଙ୍କ ମହାସ୍ନାମ ପରେ ସାଧୁସନ୍ଥ ଓ ମହାପ୍ରଭୁଙ୍କ ସେବାୟତ ବୁଡ ପକାଇଥିଲେ । ମହାପ୍ରଭୁଙ୍କ ନୀତି ସମ୍ପନ୍ନ ହେବାପରେ ଠାକୁର ବାହୁଡାଯାତ୍ରା କରିଥିଲେ ।

[caption id="attachment_620446" align="aligncenter" width="650"] ସେବାୟନମାନେ ପ୍ରଭୁଙ୍କ ବିଗ୍ରହ ସହ ବୁଡ଼ ପକାଉଛନ୍ତି।[/caption]

କୋଭିଡ ପାଇଁ କେନ୍ଦ୍ର ସରକାରଙ୍କ ଫେବୃଆରୀ ମାସ ଏସଓପି ଅନୁଯାୟୀ ପ୍ରଶାସନ ପକ୍ଷରୁ ମେଳା ପଡ଼ିଆରେ ୧୪୪ ଧାରା ଜାରି କରାଯାଇଥିଲା। ତେଣୁ ଠାକୁରଙ୍କ ନୀତିକାନ୍ତି ସହ ମାତ୍ର ୫୦୦  ସେବକ ଓ ସାଧୁସନ୍ଥଙ୍କୁ ବୁଡ ପାଇଁ ଅନୁମତି ଦିଆଯାଇଥିଲା ।

[caption id="attachment_620447" align="aligncenter" width="650"] ଚନ୍ଦ୍ରଭାଗା ବୁଡ଼ ପକାଇବା ପରେ ସେବାୟତମାନେ ମଙ୍ଗଳ ଆଳତୀ କରୁଛନ୍ତି।[/caption]

ସରକାରଙ୍କ ନିୟମକୁ ଆମେ ପାଳନ କଲୁ, ମାତ୍ର ମନରେ ଦୁଃଖ ରହିଗଲା। ଯେଉଁଠି ପୁରୀ, କୋଣାର୍କ ମନ୍ଦିରକୁ ଏବେ ହଜାର ହଜାର ଶ୍ରଦ୍ଧାଳୁ ପ୍ରବେଶ କରୁଛନ୍ତି, ଏଠାରେ କିନ୍ତୁ କଟକଣା ଯୋଗୁ ବହୁ ଶ୍ରଦ୍ଧାଳୁ ବୁଡ଼ ପକାଇବାରୁ ବଞ୍ଚିତ ହେଲେ।