ଭୁବନେଶ୍ୱର: ରାଜ୍ୟକୁ ବିଳମ୍ବରେ ମୌସୁମୀ ଆସିପାରେ। ଆସନ୍ତା ଜୁନ ୯ ତାରିଖରେ ଦକ୍ଷିଣ-ପଶ୍ଚିମ ମୌସୁମୀ ବାୟୁ କେରଳ ଛୁଇଁବାର ସମ୍ଭାବନା ରହିଛି। ଏହାପରେ ଦ୍ୱିତୀୟ ସପ୍ତାହ ଶେଷରେ ମୌସୁମୀ ଓଡ଼ିଶା ପହଞ୍ଚିବାର ସମ୍ଭାବନା ଥିବା ଭୁବନେଶ୍ୱର ଆଞ୍ଚଳିକ ପାଣିପାଗ ବିଭାଗ ପକ୍ଷରୁ ପୂର୍ବାନୁମାନ କରାଯାଇଛି।
ଦକ୍ଷିଣ ଓଡ଼ିଶା ଓ ଉତ୍ତର ମଧ୍ୟପ୍ରଦେଶର ଉପରି ଭାଗରେ ଏକ ଘୂର୍ଣ୍ଣିବଳୟ ସୃଷ୍ଟି ହେବା ଫଳରେ ଏବେ ରାଜ୍ୟରେ ବର୍ଷା ହେଉଛି। ରାଜସ୍ଥାନରୁ ଓଡ଼ିଶା ପର୍ଯ୍ୟନ୍ତ ଏକ ଟ୍ରାପ ଲାଇନ ରହିଥିବା ମଧ୍ୟ ପାଣିପାଗ ବିଭାଗ ପକ୍ଷରୁ କୁହାଯାଇଛି। ଏଥିପାଇଁ ଦିନରେ ଖରା ଓ ଅପରାହ୍ନରେ ବର୍ଷା ହେଉଛି। ଆରବ ସାଗରରେ ପଶ୍ଚିମା ପବନ ବୋହୁ ଥିବରୁ ଆସନ୍ତା ୯ ତାରିଖ ପରେ ଉତ୍ତାପ ସାମାନ୍ୟ ବୃଦ୍ଧି ପାଇବାର ସମ୍ଭାବନା ଥିବା ଭୁବନେଶ୍ୱର ପାଣିପାଗ ବିଭାଗ ନିର୍ଦ୍ଦେଶକ ଶରତ ଚନ୍ଦ୍ର ସାହୁ କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।