ଚାକିରି ଦେଇଥିଲେ, ଦୁଇ ଦୁଇ ଥର ଇଜ୍ଜତ ଲୁଟିଲେ

ଏୟାର ଓଡ଼ିଶା ଡାଇରେକ୍ଟରଙ୍କ ନାମରେ ସାଙ୍ଘାତିକ ଅଭିଯୋଗ

ଭୁବନେଶ୍ୱର(ଓଡ଼ିଶା ରିପୋର୍ଟର): “ଦୁଇ ଦୁଇଥର ମୋତେ ଦୁଷ୍କର୍ମ କରାଯାଇଛି। ଅଫିସ୍‌ରୁ ନେଇ ଘରେ ଛାଡିଦେବା ବହାନାରେ ଗାଡ଼ି ଭିତରେ ମତେ ଶାରୀରିକ ନିର୍ଯାତନା ଦେବା ପରେ ଜୋର୍‌ କରି ମୋ ଭଡା ଘରେ ପଶି ମତେ ଦୁଷ୍କର୍ମ କରିଛନ୍ତି ସନ୍ତୋଷ।

ଏୟାର ଓଡ଼ିଶା ଡାଇରେକ୍ଟର(ଅପରେସନ୍‌)ଙ୍କ ନାମରେ ଏମିତି ସାଙ୍ଘାତିକ ଅଭିଯୋଗ ଆଣିଛନ୍ତି ଜଣେ ବଙ୍ଗୀୟ ମହିଳା। ମହିଳା ଜଣକ ୨୦୧୮ ଜୁଲାଇ ୨ରେ ସିକ୍ୟୁରିଟି ସୁପର ଭାଇଜର ଭାବେ ଏହି କମ୍ପାନୀରେ ନିଯୁକ୍ତି ପାଇଥିଲେ।

ପୀଡିତାଙ୍କ କହିବା ମୁତାବକ, “୧୦ ଅଗଷ୍ଟରେ ମୋତେ ଘରେ ଛାଡ଼ି ଦେବାକୁ କହି ଜବରଦସ୍ତ ଅଫିସ ଗାଡିରେ ବସିବାକୁ କହିଥିଲେ ସନ୍ତୋଷ। ମୁଁ ଗାଡିରେ ବସିବା ପରେ ଏକ ମଦ ଦୋକାନ ପାଖେ ଅଟକି ଥିଲା ତାଙ୍କ କାର୍‌। ସେଠି ମଦ କିଣି ଗାଡି ଭିତରେ ବସି ମଦ ପିଇବା ବେଳେ ମୋତେ ବି ସେ ଡ୍ରିଙ୍କ୍‌ସ୍‌ ନେବାକୁ କହିଥିଲେ। ମୁଁ ମନା କରିବାକୁ ମୋତେ କୋଲ୍ଡ ଡ୍ରିଙ୍କ୍‌ସ୍‌ ଅଫର କଲେ। ଏହି କୋଲ୍ଡ ଡ୍ରିଙ୍କ୍‌ସ୍‌ରେ କିଛି ନିଶା ମିଶିଥିଲା। ଗାଡ଼ି ଭିତରେ ମୋ ସହ ଅସଦାଚରଣ କରାଯାଇଥିଲା, ଆଉ ପରେ ମୁଁ ଭଡାରେ ରହୁଥିବା ଘରେ ପଶି ମୋତେ ସେ ଦୁଷ୍କର୍ମ କରିଥିଲେ।

ପରଦିନ ମୁଁ ଅଫିସ୍‌ ଯାଇ ଶୀଘ୍ର ଫେରି ଆସିଥିଲି। ହେଲେ, ତା’ପରଦିନ ପୁଣି ଥରେ ସନ୍ତୋଷଙ୍କ ‘ପଶୁ ପ୍ରବୃତ୍ତି’ ଜାଗ୍ରତ ହୋଇଥିଲା। ହେଲେ ଏଥର ସେ ଏକା ନ ଥିଲେ। ତାଙ୍କ ସାଙ୍ଗ ସନ୍ତୋଷ ଜାଲି ମଧ୍ୟ ତାଙ୍କ ସାଥିରେ ଥିଲେ। ଦୁହେଁ ଖଣ୍ଡଗିରି ଏକ ମଦ ଦୋକାନରୁ ମଦ କିଣିଲେ । ହେଲେ ଏଥର ଗାଡ଼ିରେ ବସି ପିଇ ନ ଥିଲେ।

କିନ୍ତୁ ମତେ ଜବରଦସ୍ତ ସନ୍ତୋଷ ଜାଲିଙ୍କ ଘରକୁ ନେଇଗଲେ। ସେଠି ମତେ ଦୁଷର୍ମ କଲେ।

ଆଜି ଗଣମାଧ୍ୟମ ପ୍ରତିନିଧିଙ୍କୁ ଏଭଳି ଚାଞ୍ଚଲ୍ୟକର ବୟାନ୍‌ ଦେଇଛନ୍ତି ପୀଡିତା। ପ୍ରଥମେ ଖଣ୍ଡଗିରି ଥାନାରେ ଏତଲା ଦେଇଥିବା ବେଳେ କ୍ୟାପିଟାଲ ଥାନାରେ ୧୬୧ ଧାରାରେ ତାଙ୍କ ବୟାନ ଭିଡିଓ ରେକର୍ଡିଂ ହୋଇଛି।

ସୂଚନାଯୋଗ୍ୟ, ପୂର୍ବରୁ ଏୟାର୍‌ ଓଡ଼ିଶା ଶେୟାର ବିବାଦକୁ ନେଇ ଖଣ୍ଡଗିରି ପୁଲିସ ଦ୍ୱାରା ସନ୍ତୋଷ ଗିରଫ ହୋଇଥିଲେ। ଏବେ ଦୁଷ୍କର୍ମ ଅଭିଯୋଗ ପରେ ତାଙ୍କ ପାଇଁ ଅଡୁଆ ବଢ଼ିଛି। ଏପଟେ ପୀଡ଼ିତାଙ୍କ ଅଭିଯୋଗ ଆଧାରରେ ଖୋଳତାଡ ଚାଲିଛି ବୋଲି ଭୁବନେଶ୍ୱର ଡିସିପି ଅନୁପ କୁମାର ସାହୁ କହିଛନ୍ତି।

ଆହୁରି ପଢ଼ନ୍ତୁ

ରାଜ୍ୟରେ ଦିନକରେ ଚିହ୍ନଟ ହେଲେ ୧୯୭୭ କରୋନା ପଜିଟିଭ

ନିଜେ ଲିଭି ୬ ଜଣଙ୍କ ଜୀବନ ଦୀପ ଜଳାଇଥିଲେ, ସୂରଜଙ୍କ ନାଁରେ ଆରମ୍ଭ ହେଲା ସ୍ୱର୍ଣ୍ଣିମ ଅଧ୍ୟାୟ

ରାଜ୍ୟରେ ୧୯୮୧ ନୂଆ କରୋନା ଆକ୍ରାନ୍ତ ଚିହ୍ନଟ

ଭାଇରାଲ୍ ଅଡ଼ିଓ ସହ କ’ଣ ଥିଲା ଲକ୍ଷ୍ମୀକାନ୍ତଙ୍କ ସାଲାରି ସ୍ଲିପ୍‌ର ସମ୍ପର୍କ ? କ’ଣ ଖୋଜୁଥିଲା ପୁଲିସ

ଅଡିଓ ଭାଇରାଲ ମାମଲା: ଲକ୍ଷ୍ମୀକାନ୍ତ, ବିଶ୍ୱଜିତଙ୍କୁ ମିଳିଲା ଜାମିନ

ପ୍ରକାଶ ପାଇଲା ଯୁକ୍ତ ଦୁଇ ବିଜ୍ଞାନ ରେଜଲ୍ଟ

ଦିନକରେ ସର୍ବାଧିକ, ୩୦ ଜିଲ୍ଲାରୁ ୧୮୭୬ ଆକ୍ରାନ୍ତ ଚିହ୍ନଟ

ସୋଶାଲ ମିଡିଆ ପୋଷ୍ଟକୁ ନେଇ ବେଙ୍ଗାଲୁରୁରେ ହିଂସା ; ୨ ମୃତ

ସଞ୍ଜୟ ଦତ୍ତଙ୍କୁ ଫୁସ୍‌ଫୁସ୍‌ କର୍କଟ, ଚିକିତ୍ସା ପାଇଁ ଆମେରିକା ଯିବେ

କେମିତି ଅଛନ୍ତି ଗିରଫ ଲକ୍ଷ୍ମୀକାନ୍ତଙ୍କ ପରିବାର ?

ଭାଇରାଲ ଅଡ଼ିଓ ମାମଲାରେ କ୍ୟାପିଟାଲ ଥାନା IICଙ୍କ ନାଁରେ ଏତଲା

ଖୋଲିଲା ବିଶ୍ୱଜିତଙ୍କ ବିଜେଡି ଲିଙ୍କ୍‌ !