OR 
ଘର ଲୋକ ପୁରୀ ବୁଲି ଯାଇଥିବା ବେଳେ ଘରେ କଳାକନା ବୁଲାଇ ଦେଲେ ଚୋର। ସୁନା, ରୂପା ସହ ନଗଦ ଟଙ୍କାକୁ ମିଶାଇ ପ୍ରାୟ ୪ ଲକ୍ଷ ଟଙ୍କା ଲୁଟି ନେଇଛନ୍ତି ଲୁଟେରା। ପରିବାର ଲୋକେ ଘରକୁ ଫେରି ତାଲା ଭଙ୍ଗା ହୋଇଥିବା ଦେଖି ପୁଲିସ୍କୁ ଖବର ଦେଇଥିଲେ। ପୁଲିସ୍ ପହଞ୍ଚି ତଦନ୍ତ ଆରମ୍ଭ କରିଥିଲେ ବି ଲୁଟେରାଙ୍କ ସୁରାଗ ମିଳିପାରିନି। ଏପରି ଏକ ଚୋରି ରାୟଗଡା ସହରର ବ୍ୟାଙ୍କ କଲୋନୀରେ ରହୁଥିବା ରେଳ କର୍ମଚାରୀ ସୁଜିତ କୁମାରଙ୍କ ଘରୁ ହୋଇଛି।
ସୁଜିତ କୁମାର ପରିବାର ସହ ଗତ ୧୯ ତାରିଖରେ ପୁରୀ ବୁଲି ଯାଇଥିଲେ। ଫଳରେ ଘରେ ତାଲା ଝୁଲୁଥିଲା। ଘରେ କେହି ନ ଥିବା ସୁଯୋଗରେ ଉକ୍ତ ରାତିରେ ୨ ଚୋର ତାଲା ଭାଙ୍ଗି ତାଙ୍କ ଘରେ ପଶିଥିଲେ। ସେମାନେ ପ୍ରାୟ ଅଧ ଘଣ୍ଟା ମଧ୍ୟରେ ଆଲମାରି ଭାଙ୍ଗି ସାତ ଭରି ସୁନା ଗହଣା, ୨୦ ହଜାର ନଗଦ ଟଙ୍କା ଓ ୬୦୦ଗ୍ରାମ ରୁପା ଅଳଙ୍କାର ଲୁଟି ନେଇଛନ୍ତି। ଲୁଟ୍ ସାମଗ୍ରୀର ମୂଲ୍ୟ ୪ ଲକ୍ଷ ଟଙ୍କା ହେବ ବୋଲି ଜଣାପଡ଼ିଛି।
Also Read
ସୁଜିତଙ୍କ ପରିବାର ଗତକାଲି ଟ୍ରେନ୍ ଯୋଗେ ରାୟଗଡ଼ାରେ ପହଞ୍ଚିଥିଲେ। ଏହାପରେ ଘରେ ପହଞ୍ଚିବାରୁ ତାଲା ଭଙ୍ଗା ଯାଇଥିବା ବେଳେ ଜିନିଷ ଚାରିଆଡ଼େ ପଡ଼ିଥିବା ଦେଖିବାକୁ ପାଇଲେ। ଚୋରି ହୋଇଥିବା ଜାଣି ସେମାନେ ପୁଲିସ୍କୁ ଖବର ଦେଇଥିଲେ।
ପୁଲିସ୍ ଘଟଣାସ୍ଥଳରେ ପହଞ୍ଚି ତଦନ୍ତ କରିଥିବା ବେଳ ଡଗ୍ ସ୍କ୍ୱାର୍ଡ ବି ତଦନ୍ତ କରିଥିବା ଜଣାଯାଇଛି। ସୁଜିତଙ୍କ ଘର ସମ୍ମୁଖରେ ଲାଗିଥିବା ସିସିଟିଭିରୁ ୨ ଜଣ ଚୋର ଘରେ ତାଲା ଭାଙ୍ଗି ପଶୁଥିବା ସ୍ପଷ୍ଟ ଦେଖିବାକୁ ମିଳିଛି। ତେବେ ସେମାନଙ୍କୁ ଚିହ୍ନଟ କରାଯାଇ ନ ଥିବା ବେଳେ ବିଭିନ୍ନ ସ୍ଥାନରେ ଚଢ଼ାଉ ଚାଲିଥିବା ଥାନାଧିକାରୀ କହିଛନ୍ତି।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
