‘ଜୀବନ ସାରା ଶାଶୂ ଶ୍ୱଶୁରଙ୍କ ପାଖରେ ରହିବି, ତାଙ୍କରି ସେବା କରିବି’

<p>ବଲାଙ୍ଗିର (ସସ୍ମିତା ସାହୁ): ମିଳିଥିବା ଉପହାର ପାର୍ସଲ ଖୋଲୁଥିଲେ। ହଠାତ ବିସ୍ଫୋରଣ ହେଲା। କ୍ଷଣକ ଭିତରେ ଚାଲିଗଲା ଆଈ ଶାଶୂ ଓ ସ୍ୱାମୀ ସୌମ୍ୟ ଶେଖରଙ୍କ ଜୀବନ। ସିନ୍ଥିରୁ ଲିଭି ଗଲା ସିନ୍ଦୂର। ଅଧା ରହିଗଲା ସ୍ୱପ୍ନ। ଜୀବନ ସହିତ ସଂଘର୍ଷ କରି କଟକ ବଡ଼ ମେଡ଼ିକାଲରୁ ପାଇଲେ ନୂଆ ଜୀବନ। ପାର୍ସଲ ବୋମା ବିସ୍ଫୋରଣ ମୁଖ୍ୟ ଅଭିଯୁକ୍ତ ପୁଞ୍ଜିଲାଲ୍&zwnj; ମେହେର ଗିରଫ ହେବା ପରେ ୧୧ ଦିନ ତଳେ ଶାଶୂ ଘରକୁ ଫେରିଛନ୍ତି ବୋହୂ ରୀମାରାଣି। ଆଜି ସିନା ସ୍ୱାମୀ ନାହାନ୍ତି, କିନ୍ତୁ ଅଛି ତାଙ୍କ ସ୍ମୃତି। ପୁରୁଣା ଦିନର ସେହି ସ୍ମୃତିକୁ ଏକା ଏକା ସାଉଁଟୁଛନ୍ତି। ଆଉ ଚେଷ୍ଟା କରୁଛନ୍ତି ପରବର୍ତ୍ତୀ ଜୀବନ ଶାଶୂ ଓ ଶ୍ୱଶୁରଙ୍କ ସହିତ ବିତେଇବେ ପାଇଁ। ଦିନରେ ଶାଶୂ ଓ ଶ୍ୱଶୁରଙ୍କ ସହିତ କଥା ହୋଇ ସମୟ ଅତିବାହିତ ହୋଇ ଯାଉଛି। ହେଲେ ଅପରାହ୍ନରେ ମନେ ପଡ଼ୁଥିଲା ସେଦିନର ଭୟଙ୍କର ଚିତ୍ର। ଆଉ ଏହାକୁ ମନେ ପକାଇ ଗୁମୁରି ଗୁମୁରି କାନ୍ଦୁଛନ୍ତି। ନିଜ ବେଡ୍&zwnj;ରୁମ୍&zwnj;ରେ ଜୀବନ ସାଥୀଙ୍କୁ ଖୋଜୁଛନ୍ତି। ଏନେଇ ରୀମାରାଣି କିଛି ନକହିଲେ ମଧ୍ୟ ଏସବୁ କହୁଛି ତାଙ୍କ ମୁହଁ ଓ ଆଖି।</p><p>[caption id=&quot;attachment_239008&quot; align=&quot;aligncenter&quot; width=&quot;843&quot;]&lt;a href=&quot;&quot;&gt;(image) &lt;/a&gt; &lt;span style=&quot;color: #ff0000; font-size: 14pt;&quot;&gt;ଶାଶୂ ଘରେ ଶାଶୂଙ୍କ ପାଖରେ ରୀମା&lt;/span&gt;[/caption]</p><p>କଟକ ବଡ଼ ମେଡ଼ିକାଲରୁ ସୁସ୍ଥ ହୋଇ ବାପ ଘରକୁ ଫେରିଥିଲେ ରୀମା। ୧୧ ଦିନ ତଳେ ପାଟଣାଗଡ଼ ସ୍ଥିତ ଶାଶୁ ଘରକୁ ଫେରିଛନ୍ତି। ବୋହୂ ଘରକୁ ଫେରିବା ପରେ ଶାଶୂ ସଞ୍ଜୁକ୍ତା ଓ ଶ୍ୱଶୁର ରବୀନ୍ଦ୍ର ଭାରି ଖୁସି। ତାଙ୍କର ଯତ୍ନ ନେଉଛନ୍ତି। କେବେ ଏକୁଟିଆ ରହିବାକୁ ସୁଯୋଗ ଦେଉନାହାଁନ୍ତି।</p><p>ଏନେଇ ରୀମା କହିଛନ୍ତି-&ldquo;ମୋ ଶାଶୂ ଓ ଶ୍ୱଶୁର ମୋର ଭାରି ଯତ୍ନ ନେଉଛନ୍ତି। ସମୟ ଆସିଲେ ମୁଁ ସେମାନଙ୍କର ଯତ୍ନ ନେବି। ଅଭିଯୁକ୍ତକୁ ଫାଶି ଦଣ୍ଡ ଦିଆଯାଉ।&rdquo;</p><p>ଏବେ କଲେଜ ଛୁଟି ଅଛି। ଅଧ୍ୟାପକ ଶାଶୂ ଓ ଶ୍ୱଶୁର ଛୁଟି ଖୋଲିଲେ କଲେଜ ଚାଲିଯିବେ। ଏକା ଏକା ଘରେ ଜୀବନ କାଟିବାକୁ ପଡ଼ିବ। ଏନେଇ ଏକ ପ୍ରଶ୍ନର ଉତ୍ତରରେ ରୀମା କହିଥିଲେ-&ldquo;ଏହା ହେଉଛି ମୋର ଘର। ସାରା ଜୀବନ ଏଇଠି ରହିବି। ଶାଶୂ ଓ ଶ୍ୱଶୁରଙ୍କ ସେବା କରିବି। ଆଉ ଆମେ ପରସ୍ପର ସୁଖ ଓ ଦୁଃଖ ବାଣ୍ଟି ଚଳିବୁ।&rdquo;</p><p>[caption id=&quot;attachment_239009&quot; align=&quot;aligncenter&quot; width=&quot;793&quot;]&lt;a href=&quot;http://odishareporter.in/wp-content/uploads/2018/05/patnagardha12.jpg&quot;&gt;(image) &lt;/a&gt; &lt;span style=&quot;color: #ff0000; font-size: 14pt;&quot;&gt;କାନ୍ଥରେ ଝୁଲୁଛି ସ୍ମୃତି &lt;/span&gt;[/caption]</p><p>ପୁରୁଣା ଦିନର ସ୍ମୃତି ଓ ପରବର୍ତ୍ତୀ ଜୀବନ ନେଇ ପ୍ରଶ୍ନ ଶୁଣି ରୀମା କିଛି କହିପାରୁନଥିଲେ। କେବଳ ମୁଣ୍ଡ ହଲାଇ ହଁ ନାଁ ଭିତରେ ଉତ୍ତର ସାରୁଥିଲେ। କହିଲା ବେଳେ ତାଙ୍କ କଣ୍ଠ ବାସ୍ଫରୋଦ୍ଧ ହୋଇଯାଉଥିଲା। ଲାଗୁଥିଲା ଯେମିତି ମନ ଭିତରେ ଅନେକ କଥା ରହିଛି, ଯାହାକୁ କହିବାକୁ ଚାହୁଁଛନ୍ତି। ମାତ୍ର କହିବାକୁ ସୁଯୋଗ ମିଳୁନି। ହୁଏ ଜୀବନ ସାଥୀ ବଞ୍ଚିଥିଲେ, ତାଙ୍କ କାନରେ କହିଥାଆନ୍ତେ।</p><p>&lt;span style=&quot;color: #ff0000;&quot;&gt;&lt;em&gt;ବୋହୂ ଘରକୁ ଫେରିବା ପରେ କଣ କହୁଛନ୍ତି ଶାଶୂ ଓ ଶ୍ୱଶୁର।&lt;/em&gt;&lt;/span&gt;</p><p>https://youtu.be/ItviqF-F-3Q</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।