ଭୁବନେଶ୍ୱର ( ଓଡ଼ିଶା ରିପୋର୍ଟର): କଟକସ୍ଥିତ ଶ୍ରୀରାମଚନ୍ଦ୍ର ଭଞ୍ଜ ମେଡିକାଲ କଲେଜ ଓ ହସ୍ପିଟାଲର ଏମବିବିଏସ୍ ସିଟ୍ ସଂଖ୍ୟା ୧୫୦ରୁ ୨୫୦କୁ ବୃଦ୍ଧି ନିମନ୍ତେ ମେଡିକାଲ କାଉନସିଲ ଅଫ ଇଣ୍ଡିଆ ପକ୍ଷରୁ ଆଜି କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟକୁ ସୁପାରିସ କରାଯାଇଛି। ସର୍ବାଧିକ ୫ବର୍ଷ ପର୍ଯ୍ୟନ୍ତ ଏହି ବର୍ଦ୍ଧିତ ସିଟକୁ ମଞ୍ଜୁରୀ ମିଳିବ।
ଏସସିବି ମେଡିକାଲ କଲେଜର ଏହି ବର୍ଦ୍ଧିତ ସିଟ୍ ସଂଖ୍ୟା ପାଇଁ ଆନୁଷ୍ଠାନିକ ବିଜ୍ଞପ୍ତି ଜାରି କରିବାକୁ ମେଡିକାଲ କାଉନସିଲ ପକ୍ଷରୁ କେନ୍ଦ୍ର ସ୍ୱାସ୍ଥ୍ୟ ସଚିବଙ୍କୁ ଅନୁରୋଧ କରାଯାଇଛି।
ଚଳିତବର୍ଷ ମେ’ ୨୯ ତାରିଖ ଓ ଜୁଲାଇ ୬-୭ ତାରିଖରେ ମେଡିକାଲ କାଉନସିଲର କାର୍ଯ୍ୟନିର୍ବାହୀ କମିଟିର ସଦସ୍ୟମାନେ କଟକ ଏସସିବି ମେଡିକାଲ କଲେଜ ପରିଦର୍ଶନରେ ଯାଇ ଏହାର ଭିତ୍ତିଭୂମି ଯାଞ୍ଚ କରିଥିଲେ। କମିଟିର ରିପୋର୍ଟକୁ ଅଗଷ୍ଟ ୩୧ ତାରିଖରେ ଓଭରସାଇଟ୍ କମିଟି ଅନୁମୋଦନ କରିଥିଲା।