ରାସ୍ତାରେ ପଡ଼ିଥିଲେ: ୫ ମାସ ପରେ ଘରକୁ ଫେରିଲେ

ବଲାଙ୍ଗିର (ସସ୍ମିତା ସାହୁ): ୫ ମାସ ହେଲା କିଛି ଖବର ମିଳୁ ନଥିଲା। କେଉଁଠି ଥିବେ, କ’ଣ ଖାଉଥିବେ, କେମିତି ରହୁଥିବେ ଏହି ଚିନ୍ତାରେ ଘାରି ହେଉଥିଲେ ପରିବାର ଲୋକେ। ଶେଷରେ ପ୍ରତୀକ୍ଷାର ଅନ୍ତ ଘଟିଛି, ଆଉ ନିଖୋଜ ବୃଦ୍ଧା ମା’ ଘରକୁ ଫେରିଛନ୍ତି। ଏହା ହେଉଛି ବଲାଙ୍ଗିର ଜିଲ୍ଲା ସଇଁନ୍ତଳା ଥାନା ଚମ୍ଫେଲ ଗାଁର ସେନ୍ଦ୍ରିଙ୍କ ଦୁଃଖ ଭରା କାହାଣୀ। ଗତ ୧୬ ତାରିଖରେ ବଲାଙ୍ଗିରର ମାଧିଆପାଲି ରାସ୍ତା କଡ଼ରୁ ଜଣେ ଅସହାୟ ବୃଦ୍ଧା ଗୁରୁତର […]

bolangiri

bolangiri

Rakesh Mallick
  • Published: Friday, 26 October 2018
  • Updated: 26 October 2018, 12:07 PM IST

ବଲାଙ୍ଗିର (ସସ୍ମିତା ସାହୁ): ୫ ମାସ ହେଲା କିଛି ଖବର ମିଳୁ ନଥିଲା। କେଉଁଠି ଥିବେ, କ’ଣ ଖାଉଥିବେ, କେମିତି ରହୁଥିବେ ଏହି ଚିନ୍ତାରେ ଘାରି ହେଉଥିଲେ ପରିବାର ଲୋକେ। ଶେଷରେ ପ୍ରତୀକ୍ଷାର ଅନ୍ତ ଘଟିଛି, ଆଉ ନିଖୋଜ ବୃଦ୍ଧା ମା’ ଘରକୁ ଫେରିଛନ୍ତି।

ଏହା ହେଉଛି ବଲାଙ୍ଗିର ଜିଲ୍ଲା ସଇଁନ୍ତଳା ଥାନା ଚମ୍ଫେଲ ଗାଁର ସେନ୍ଦ୍ରିଙ୍କ ଦୁଃଖ ଭରା କାହାଣୀ।

ଗତ ୧୬ ତାରିଖରେ ବଲାଙ୍ଗିରର ମାଧିଆପାଲି ରାସ୍ତା କଡ଼ରୁ ଜଣେ ଅସହାୟ ବୃଦ୍ଧା ଗୁରୁତର ଅବସ୍ଥାରେ ପଡ଼ିଥିଲେ। ସ୍ଥାନୀୟ ଲୋକେ ତାଙ୍କୁ ଦେଖିବା ପରେ ଅଞ୍ଚଳର କିଛି ସ୍ୱେଚ୍ଛାସେବୀଙ୍କୁ ଖବର ଦେଇଥିଲେ। ସ୍ୱେଚ୍ଛାସେବୀମାନେ ଘଟଣା ସ୍ଥଳରେ ପହଞ୍ଚି ବୃଦ୍ଧାଙ୍କୁ ଉଦ୍ଧାର କରିବା ସହ ମେଡିକାଲ କଲେଜ ହସ୍ପିଟାଲରେ ଭର୍ତ୍ତି କରିଥିଲେ।

ଏହାପରେ ବୃଦ୍ଧାଙ୍କ ଚିକିତ୍ସା ଆରମ୍ଭ ହୋଇଥିଲା। ସେ ସୁସ୍ଥ ହେବା ପରେ ନିଜ ନାଁ ସେନ୍ଦ୍ରି ବୋଲି କହିଥିଲେ। ଏହାସହ ସେ ନିଜ ଘରର ଠିକଣା ଦେଇଥିଲେ।

ଠିକଣା ମିଳିବା ପରେ ସ୍ୱେଚ୍ଛାସେବୀମାନେ ତାଙ୍କ ପରିବାର ଲୋକଙ୍କ ସହ ଯୋଗାଯୋଗ କରିଥିଲେ। ଖବର ପାଇବା ପରେ ପରିବାର ଲୋକେ ଆସି ମେଡିକାଲ କଲେଜ ହସ୍ପିଟାଲରେ ପହଞ୍ଚି ଥିଲେ।

ପରିବାର ଲୋକଙ୍କ କହିବା ଅନୁସାରେ ଗତ ୫ ମାସ ହେବ ସେନ୍ଦ୍ରି କେଉଁ ଆଡ଼େ ଚାଲି ଯାଇଥିଲେ। ବହୁତ ସ୍ଥାନରେ ଖୋଜାଖୋଜି କରିଥିଲେ ମଧ୍ୟ ତାଙ୍କର ଖୋଜ ଖବର ମିଳିନଥିଲା।

ଏବେ ସେନ୍ଦ୍ରି ମିଳି ଯାଇଥିବାରୁ ପରିବାର ଲୋକେ ଆତ୍ମବିଭୋର ହୋଇଯାଇଛନ୍ତି। ସେମାନେ ମହିଳାଙ୍କ ଜୀବନ ବଞ୍ଚାଇ ଥିବାରୁ ସ୍ୱେଚ୍ଛାସେବୀମାନଙ୍କୁ ଧନ୍ୟବାଦ ଜଣାଇବା ସହ ତାଙ୍କୁ ଘରକୁ ନେଇଯାଇଛନ୍ତି।

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos