ବଲାଙ୍ଗିର (ମନୋରଞ୍ଜନ ଯୋଶୀ): ସରକାରୀ କାର୍ଯ୍ୟାଳୟରେ ଯୌନ ନିର୍ଯାତନାର ଶିକାର ହୋଇଥିବା ନେଇ ସଙ୍ଗୀନ ଅଭିଯୋଗ ଆଣିଛନ୍ତି ଜଣେ ବିଧବା ମହିଳା କର୍ମଚାରୀ। ବଲାଙ୍ଗିର ଉପଜିଲ୍ଲାପାଳ ସଂଜୟ କୁମାର ମିଶ୍ରଙ୍କ ନାଁରେ ଏପରି ସାଂଘାତିକ ଅଭିଯୋଗ ଆଣିଛନ୍ତି ଏହି ମହିଳା କର୍ମଚାରୀ। ନ୍ୟାୟ ନ ମିଳିଲେ ନିଜ ୨ ଛୋଟ ଝିଅଙ୍କ ସହ ଆତ୍ମହତ୍ୟାର ଧମକ ବି ଦେଇଛନ୍ତି।
ଉପଜିଲ୍ଲାପାଳ ଯୌନ ନିର୍ଯାତନା ଦେଇଥିବା ନେଇ ମହିଳା ଜଣଙ୍କ ତିନି ଫର୍ଦ୍ଦର ଅଭିଯୋଗ ପତ୍ରରେ ଉଲ୍ଲେଖ କରିଛନ୍ତି। ଜିଲ୍ଲାପାଳ ଘଟଣାର ତଦନ୍ତ ପାଇଁ ଏକ ତିନି ଜଣିଆ କମିଟି ଗଠନ କରିଛନ୍ତି। ଜିଲ୍ଲା ପ୍ରଶାସନର ଜଣେ ବରିଷ୍ଠ ମହିଳା ଅଧିକାରୀଙ୍କ ଅଧ୍ୟକ୍ଷତାରେ ଏହି ଟିମ୍ ଗଠନ କରାଯାଇଛି। ଏହି କମିଟି ପ୍ରଥମେ ଉକ୍ତ ମହିଳାଙ୍କୁ ଡାକି ପଚରାଉଚରା କରିଛି। ଏହା ପରେ ଉପଜିଲ୍ଲାପାଳଙ୍କୁ ଡକାଯିବ ବୋଲି କମିଟି କହିଛି।
ଅନ୍ୟପକ୍ଷରେ ଉକ୍ତ ମହିଳା ଜଣଙ୍କ ଅନୁରୋଧକ୍ରମେ ଜିଲ୍ଲାପାଳ ତାଙ୍କୁ ବଲାଙ୍ଗିର ସଦର ମହକୁମାସ୍ଥିତ ଉପଜିଲ୍ଲାପାଳଙ୍କ କାର୍ଯ୍ୟାଳୟରୁ ଅନ୍ୟତ୍ର ବଦଳି କରି ଦେଇଛନ୍ତି।
ଅଭିଯୋଗ ନେଇ ଉପଜିଲ୍ଲାପାଳ ସଂଜୟ କୁମାର ମିଶ୍ରଙ୍କ ପ୍ରତିକ୍ରିୟା ମିଳିପାରିନାହିଁ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
