ଭୁବନେଶ୍ୱର (ଓଡ଼ିଶା ରିପୋର୍ଟ): କୃଷକଙ୍କ ସମସ୍ୟାର ସମାଧାନ ପାଇଁ ମନ୍ତ୍ରିସ୍ତରୀୟ ବୈଠକ ହୋଇଛି। ଏଥିରେ ଚାଷୀଙ୍କ ପ୍ରାଇସ୍, ପ୍ରେଷ୍ଟିଜ୍ ଓ ପେନସନ୍ ସମ୍ପର୍କିତ ଦାବି ଉପରେ ଆଲୋଚନା ହୋଇଛି। ଆସନ୍ତା ୭ ତାରିଖରେ କୃଷକ ନେତାଙ୍କ ସହ ଆଲୋଚନା ହେବ ବୋଲି ବୈଠକରେ ସ୍ଥିର ହୋଇଛି।
ବୈଠକରେ କୃଷକ ନେତା ପ୍ରଦୀପ ମହାରଥୀଙ୍କ ପରାମର୍ଶ ମଧ୍ୟ ନିଆଯିବ। ପରାମର୍ଶ ମିଳିବା ପରେ ମନ୍ତ୍ରିସ୍ତରୀୟ କମିଟି ନିଷ୍ପତ୍ତି ନେବ ବୋଲି ଅର୍ଥମନ୍ତ୍ରୀ ଶଶିଭୂଷଣ ବେହେରା କହିଛନ୍ତି।
ଅର୍ଥମନ୍ତ୍ରୀଙ୍କ ଅଧ୍ୟକ୍ଷତାରେ ସଚିବାଳୟରେ ବସିଥିବା ଏହି ବୈଠକରେ ସମବାୟ ମନ୍ତ୍ରୀ ସୂର୍ଯ୍ୟନାରାୟଣ ପାତ୍ର ଓ କୃଷିମନ୍ତ୍ରୀ ପ୍ରଦୀପ ମହାରଥୀଙ୍କ ସମେତ ବିଭାଗୀୟ ଅଧିକାରୀ ଏଥିରେ ଯୋଗଦେଇଥିଲେ। ନିକଟରେ ପ୍ରାଇସ୍, ପ୍ରେଷ୍ଟିଜ୍ ଓ ପେନ୍ସନ୍ ଦାବିରେ ନବ ନିର୍ମାଣ କୃଷକ ସଂଗଠନ ପକ୍ଷରୁ ଆନ୍ଦୋଳନ କରାଯାଇଥିଲା। ହଜାର ହଜାର କୃଷକ ସମାବେଶ କରିବାକୁ ରାଜଧାନୀ ଆସିଥିବା ବେଳେ ବାଟରେ ସେମାନଙ୍କୁ ପୁଲିସ୍ ଅଟକାଇଥିଲା। ଯାହାକୁ ନେଇ ରାଜ୍ୟ ରାଜନୀତି ବେଶ ସରଗରମ ହୋଇଥିଲା। କୃଷକମାନଙ୍କୁ ରାଜଧାନୀକୁ ପୂରାଇ ନଦେବା ସରକାରଙ୍କ ପାଇଁ ଭାରି ପଡ଼ିଥିଲା। କୃଷକମାନେ କୌଣସି ନେତା କୌଣସି ନେତାଙ୍କୁ ଗାଁରେ ପୂରାଇ ନଦେବାକୁ ଧମକ ଦେଇଥିଲେ। ଏହାପରେ କୃଷକଙ୍କ ସମସ୍ୟାର ସମାଧାନ ପାଇଁ ପାଇଁ ତିନି ଜଣିଆ ମନ୍ତ୍ରିସ୍ତରୀୟ କମିଟି ଗଠନ ହୋଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
