ଭୁବନେଶ୍ୱର: ଦେବୀ ସୁଭଦ୍ରାଙ୍କ ଦାରୁ ଛେଦନ ପ୍ରକ୍ରିୟା ପାଇଁ ଆଜି ଆରମ୍ଭ ହୋଇଯାଇଛି ମହାଯଜ୍ଞ। ସୂର୍ଯ୍ୟପୂଜା ପରେ ଆରମ୍ଭ ହୋଇଛି ମହାଯଜ୍ଞ। ଏଥିଲାଗି ବିଦ୍ୟାପତି ଓ ବିଶ୍ୱାବସୁଙ୍କୁ ବରଣ କରାଯାଇଛି। ଆସନ୍ତାକାଲି ମହାଯଜ୍ଞରେ ପୂର୍ଣ୍ଣାହୂତି ପରେ ଦାରୁ ଛେଦନ କରାଯିବ। ପ୍ରଥମେ ସୁନା କୁରାଢ଼ି, ପରେ ରୁପା କୁରାଢ଼ି ଓ ଲୁହା କୁରାଢ଼ି ସ୍ପର୍ଶ କରାଯିବା ପରେ ଦାରୁ ଛେଦନ କରାଯିବ। ଗତକାଲି ସକାଳେ ଭୂମି ଶୋଧନ ନୀତି ସଂପନ୍ନ ହୋଇଥିଲା। ସନ୍ଧ୍ୟାରେ ଅଙ୍କୁରାରୋପଣ ପରେ ସଂପନ୍ନ ହୋଇଥିଲା ଦିବ୍ୟଦାରୁଙ୍କ ମହାସ୍ନାନ ନୀତି। ସେପଟେ ଦେବୀ ସୁଭଦ୍ରାଙ୍କ ଦାରୁ ଦର୍ଶନ ଲାଗି ଅଢ଼ଙ୍ଗଗଡ଼ରେ ପ୍ରତିଦିନ ଶହ ଶହ ସଂଖ୍ୟାରେ ଭକ୍ତ ପହଞ୍ଚୁଛନ୍ତି। ସେମାନେ ଯେପରି ଶୃଙ୍ଖଳିତ ଭାବେ ଦାରୁ ଦର୍ଶନ କରିପାରିବେ ସେଥିଲାଗି ପ୍ରଶାସନ ପକ୍ଷରୁ ସମସ୍ତ ପ୍ରକାର ବ୍ୟବସ୍ଥା କରାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
