ଖଲିକୋଟ(ସିଲୁ ବିଶ୍ୱାଳ): ଗଞ୍ଜାମ ଜିଲ୍ଲା ବେଗୁନିଆପଡା ବ୍ଲକ ଅନ୍ତର୍ଗତ ସୁମୁଣ୍ଡଳ ପଞ୍ଚାୟତକୁ ଜିଲ୍ଲାପାଳ ଆଜି କଣ୍ଟେନମେଣ୍ଟ ଜୋନ୍ ଭାବେ ଘୋଷଣା କରିଛନ୍ତି। ସୁମୁଣ୍ଡଳ ପଞ୍ଚାୟତର ମେଡିକାଲ ଛକ ଅଞ୍ଚଳରୁ ୬ ଜଣ କରୋନା ପଜିଟିଭ ଚିହ୍ନଟ ହେବା ପରେ ଏପରି କଟକଣା ଜାରି କରାଯାଇଛି। ବାଣିଆବାଡ଼ି ଛକଠାରୁ ସୁମୁଣ୍ଡଳ ମାର୍କେଟ, ଲକ୍ଷ୍ମୀନାରାୟଣ ସାହି, ବାଉରୀ ସାହି, ମେଡିକାଲ ଛକ ଅଞ୍ଚଳକୁ କଣ୍ଟେନମେଣ୍ଟ ଜୋନ୍ ଭାବେ ଘୋଷଣା କରାଯାଇଛି।
ଏଥିସହ ଏହାର ପାଖ ପଞ୍ଚାୟତ ବୁରୁଝରୀ , କେ. ତୋଟାପଡା ଓ ପି.ନୁଁଆଗାଁ ଏବଂ ସାଙ୍କୁଡ଼ା ପଞ୍ଚାୟତର ତିତିରିଡି, ଚଣ୍ଡପଲ୍ଲି ଓ ସାଙ୍କୁଡ଼ା ଗାଁକୁ ବଫର ଜୋନ୍ ଭାବେ ଘୋଷଣା କରାଯାଇଛି l ଏଥିସହ ଗାଁର ସମସ୍ତ ପ୍ରବେଶ ପଥକୁ ସିଲ୍ କରାଯାଇଛି। ସଂକ୍ରମଣ ଅଧିକ ନବ୍ୟାପିବା ପାଇଁ ଏଭଳି ପଦେକ୍ଷପ ନିଆଯାଇଛି।
ଅନ୍ୟପକ୍ଷରେ କଣ୍ଟେନମେଣ୍ଟ ଜୋନରେ ସମସ୍ତ ସରକାରୀ , ବେସରକାରୀ ସଂସ୍ଥା ସହ ଦୋକାନ ବଜାର ବନ୍ଦ ରହିବ। ଲୋକେ ଘରୁ ନ ବାହାରିବା ଲାଗି ପ୍ରଶାସନ ପକ୍ଷରୁ ଘୋଷଣା କରାଯାଇଛି । ଏହାସହ ଲୋକଙ୍କ ପାଖରେ ଅତି ଆବଶ୍ୟକ ସାମଗ୍ରୀ ଯୋଗାଇ ଦେବାକୁ ବ୍ୟବସ୍ଥା ଗ୍ରହଣ କରାଯାଇଛି । ଏହାର ତଦାରଖ କରିବା ପାଇଁ କୋଦଳା ଅତିରିକ୍ତ ତହସିଲଦାରଙ୍କୁ ଦାୟିତ୍ଵ ଦିଆଯାଇଛି l
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
