କାର୍ଯ୍ୟରେ ଯୋଗଦେଲେ କୋଇଡ଼ା ନବ ନିଯୁକ୍ତ ବିଡ଼ିଓ ରଶ୍ମିରେଖା ପାତ୍ର

ସୁନ୍ଦରଗଡ଼ ଜିଲ୍ଲା କୋଇଡା ବ୍ଲକର ବିବାଦୀୟ ବିଡ଼ିଓ ପଲ୍ଲବୀ ରାଣୀ ରାଜଙ୍କ ବଦଳି ପରେ ତାଙ୍କ ସ୍ଥାନରେ ଯୋଗ ଦେଇଛନ୍ତି ନବ ନିଯୁକ୍ତ  ବିଡ଼ିଓ ରଶ୍ମିରେଖା ପାତ୍ର। ୨୦୧୯ OPSC ସିଭିଲ ସର୍ଭିସରେ ରଶ୍ମିରେଖା ଓଡ଼ିଶାରେ ଟପର ରହିଥିଲେ। ।

ରଶ୍ମିରେଖା ପାତ୍ର କାର୍ଯ୍ୟରେ ଯୋଗ ଦେବା ପରେ ସ୍ଥାନୀୟ ତହସିଲଦାର ଡିଏସ୍ ଶୁଭଦର୍ଶୀ ଯୋଶୀ,ବଣାଇ ବିଧାୟକ ଲକ୍ଷ୍ମଣ ମୁଣ୍ଡାଙ୍କ ସମେତ ବ୍ଲକ ଅଧକ୍ଷ ତାଙ୍କୁ ସ୍ୱାଗତ ଜଣାଇଥିଲେ। ମିଳିମିଶି କାମ କଲେ ସବୁ ସମସ୍ୟାର ସମାଧାନ ହେଇ ପାରିବ ବୋଲି କୋଇଡ଼ାର ନୂତନ ବିଡ଼ିଓ ରଶ୍ମିରେଖା ପାତ୍ର କହିଛନ୍ତି ।

ସୂଚନାଯୋଗ୍ୟ, ଏପ୍ରିଲ ମାସରେ କୋଇଡା ବ୍ଲକ ବିଡ଼ିଓ ପଲ୍ଲବୀ ରାଣୀ ରାଜଙ୍କଙ୍କ ବଦଳି କରାଯାଇଥିଲା। ବିଡିଓ ପଲ୍ଲବୀ ରାଣୀଙ୍କୁ କୋଇଡା ରୁ ସମ୍ବଲପୁରକୁ ବଦଳି ପରେ ସ୍ଥାନୀୟ ତହସିଲଦାରଙ୍କୁ ବ୍ଲକର ଭାରପ୍ରାପ୍ତ ବିଡ଼ିଓ ଭାବରେ ନିୟୋଜିତ କରାଯାଇଥିଲା। ପଲ୍ଲବୀ ରାଣୀ ରାଜ ତିନି ବର୍ଷରୁ ଅଧିକ କୋଇଡା ବ୍ଲକରେ କାର୍ଯ୍ୟ କରିବା ସହିତ ବିଭିନ୍ନ ବିବାଦରେ ଛନ୍ଦି ହୋଇ ପଡ଼ିଥିଲେ।