ସେଲଫି ପାଇଁ ଚାଲିଗଲା ଦୁଇ ବନ୍ଧୁଙ୍କ ଜୀବନ

ରାଉରକେଲା(ପୱନ ତୀୱାରି): ସେଲଫି ପାଇଁ ଚାଲିଗଲା ଦୁଇ ବନ୍ଧୁଙ୍କ ଜୀବନ । ସଟଡାଉନ ନିୟମକୁ ଆମାନ୍ୟ କରି ରାଉରକେଲା ବାସନ୍ତୀ କଲୋନୀ ଅଞ୍ଚଳର ଆଜି ପାଞ୍ଚ ଜଣ ବନ୍ଧୁ ରାଜଗାଙ୍ଗପୁର ଠାରେ ଥିବା କାଂଶବାହାଲ ଡ୍ୟାମକୁ ବୁଲିବାକୁ ଯାଇଥିଲେ । ହେଲେ ସେଠାରେ ସେଲଫି ନେଉଥିବା ବେଳେ ପାଞ୍ଚ ଜଣଙ୍କ ମଧ୍ୟରୁ ଦୁଇ ଜଣଙ୍କ ଗୋଡ଼ ଖସି ଯାଇଥିଲା ।

ଫଳରେ ଡ୍ୟାମର ଅଥଳଅଥଳ ପାଣିରେ ବୁଡି ଯାଇଥିଲେ । ପ୍ରଥମେ ସ୍ଥାନୀୟ ଲୋକେ ଏବଂ ଅନ୍ୟ ତିନିଜଣ ବନ୍ଧୁ ଜଣଙ୍କୁ ଉଦ୍ଧାର କରି ଆରଜିଏଚ ପଠାଇଥିଲେ ହେଲେ।

ସେଠାରେ ତାଙ୍କୁ ଡାକ୍ତର ମୃତ ଘୋଷଣା କରିଥିଲେ। ଅନ୍ୟ ପଟେ ଅଗ୍ନିଶମ ବିଭାଗ ପହଁଚି ଦୀର୍ଘ ସମୟ ଖୋଜାଖୋଜି କରିବା ପରେ ଅନ୍ୟଜଣଙ୍କ ମୃତ ଦେହ ଉଦ୍ଧାର କରିଛି । ଦୁଇ ମୃତକ ହେଲେ ବାସନ୍ତୀ କଲୋନୀ ଅଞ୍ଚଳର ପ୍ରମୋଦ ପରିଡା ଓ ସୁମନ୍ତ ଦେ । ଦୁଇ ବନ୍ଧୁଙ୍କ ମୃତ ଶରୀରକୁ ଆରଜିଏଚରେ ରଖାଯାଇଥିବା ବେଳେ ପୁଲିସ ତଦନ୍ତ କରୁଛି ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।