ଆନନ୍ଦପୁର(ମୁନା ସିଂ):ସୀମା ଟପିଲା ଶିକ୍ଷକଙ୍କ ବର୍ବରତା। ସ୍କୁଲ ବାରଣ୍ଡାରେ ଛାତ୍ରଛାତ୍ରୀଙ୍କୁ ଆଣ୍ଠେଇ ଗୋରୁ ଗାଈ ଭଳି ପିଟିଲେ ସାର୍। ଆଉ ଖବର ପ୍ରସାରଣ ପରେ ସାର ସସପେଣ୍ଡ। ସମ୍ପୃକ୍ତ ଶିକ୍ଷକଙ୍କୁ ନିଲମ୍ବିତ କରିଛନ୍ତି ବିଇଓ । କେନ୍ଦୁଝର ହରିଚନ୍ଦନପୁର ବ୍ଲକର ପିଟାଟାଗଂର ଉଚ୍ଚ ପ୍ରାଥମିକ ବିଦ୍ୟାଳୟର ଶିକ୍ଷକ ରତି ନାରାୟଣ ରାଉତ ପିଲାଙ୍କୁ ନିର୍ଦ୍ଧୁମ ପିଟିଛନ୍ତି । ଶିକ୍ଷକଙ୍କ ରାଗ ଏତେ ଯେ, ମାଡ଼ ମାରିବା ବେଳେ ବାଡ଼ି ଭାଙ୍ଗି ଯିବା ପରେ ବି ଶାନ୍ତ ପଡ଼ୁ ନାହାନ୍ତି । ପିଲା ଯେତେ ନେହୁରା ହେଲେ ବି ଫରକ୍ ପଡିନଥିଲା। ଏ ନେଇ ଶିକ୍ଷକଙ୍କୁ ପଚାରିବାରୁ ସେ ବି ଦେଇଛନ୍ତି ଅଜବ ଉତ୍ତର। ପିଲା ପାଠ ପଢ଼ୁନାହାନ୍ତି, ଯେତେ କହିଲେ ବି ଶୁଣୁନାହାନ୍ତି, ତେଣୁ ପିଟିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।