ମନ୍ତ୍ରୀମହଲରେ ଟେନସନ୍, ପାୱାର କରିଡରରେ ବଢୁଛି ହାର୍ଟବିଟ୍

ଭୁବନେଶ୍ୱର(ଓଡ଼ିଶା ରିପୋର୍ଟର): ନବୀନଙ୍କ ମନ୍ତ୍ରିମଣ୍ଡଳରେ ଖୁବ୍‌ଶୀଘ୍ର ହୋଇପାରେ ଅଦଳବଦଳ।  ପଞ୍ଚମ ଇନିଂସ୍‌ ପ୍ରଥମ ବର୍ଷ ପୂରିବା ପରେ ପାଓ୍ୱାର କରିଡରରେ ଏବେ ଏ ନେଇ  ଜୋରଦାର୍ ଚର୍ଚ୍ଚା । କେବଳ ମନ୍ତ୍ରିମଣ୍ଡଳ ନୁହେଁ, ସାଙ୍ଗଠନିକ ଓ ପ୍ରାଶାସନିକ ସ୍ତରରେ ବି ବ୍ୟାପକ ଅଦଳବଦଳ କରି ନୂଆ ଟିମ୍‌କୁ ଦାୟିତ୍ୱ ଦେବାକୁ ନବୀନ ଯୋଜନା କରୁଥିବା ଚର୍ଚ୍ଚା ହେଉଛି। ଖାସ୍ କରି ବର୍ତ୍ତମାନର ପରିସ୍ଥିତି, ଏଥିପାଇଁ ଯେପରି ବିଜେଡି ସୁପ୍ରିମୋଙ୍କୁ ବାଧ୍ୟ କରିଛି  । ମାସ୍କ ଦୁର୍ନୀତି, କୋଭିଡ୍ ସ୍ଥିତି ପରିଚାଳନାରେ ସମସ୍ୟା ଓ ରଥଯାତ୍ରା ନକରିବା ପାଇଁ ହୋଇଥିବା ଷଡଯନ୍ତ୍ରର ଅପଖ୍ୟାତି ପରେ ଡ୍ୟାମେଜ କଣ୍ଟ୍ରୋଲ କରିବାକୁ ଏପରି ଯୋଜନା କରାଯାଉଥିବା କୁହାଯାଉଛି।

ମନ୍ତ୍ରୀମହଲରେ ଏବେ ବଢୁଛି ଟେନସନ୍। ବଢୁଛି ହାର୍ଟବିଟ୍ ପାଓ୍ୱାର୍ କରିଡରରେ ଗୋଟିଏ ଚର୍ଚ୍ଚା, ଆଗକୁ ବଦଳିପାରେ କ୍ୟାବିନେଟ ଚେହେରା । ବିଜେଡି ସରକାରର ପଂଚମ ଇନିଂସ୍‌ରେ ପ୍ରଥମ ବର୍ଷ ପୂର୍ତ୍ତି ପରେ ନବୀନ ଗଠନ କରିପାରନ୍ତି ନୂଆ ଟିମ୍ । ସାଙ୍ଗଠନିକ ସ୍ତରରୁ ଆରମ୍ଭ କରି ପ୍ରଶାସନିକ ଓ ମନ୍ତ୍ରିମଣ୍ଡଳରେ ବି ହୋଇପାରେ ଅଦଳବଦଳ । ଫୋକସରେ କିନ୍ତୁ ରହିଛି ମନ୍ତ୍ରିମଣ୍ଡଳ ପରିବର୍ତ୍ତନ। କିଏ ବାଦ୍ ପଡିବେ, କିଏ ସାମିଲ୍ ହେବେ ତାକୁ ନେଇ ଲାଗି ରହିଛି କଳ୍ପନାଜଳ୍ପନା । ମନ୍ତ୍ରିମଣ୍ଡଳରେ ଏବେ ଗୋଟିଏ ପଦବୀ ଖାଲି ରହିଛି। ଚର୍ଚ୍ଚା ଅନୁସାରେ ନବୀନ, ୪ କ୍ୟାବିନେଟ୍ ସହଯୋଗୀଙ୍କୁ ଦେଖାଇପାରନ୍ତି ବାହାର ରାସ୍ତା । ଆଉ ସାମିଲ ହୋଇପାରନ୍ତି ୫ ଜଣ। ଏହାବ୍ୟତୀତ କିଛି ମନ୍ତ୍ରୀଙ୍କ ବିଭାଗ ମଧ୍ୟ ପରିବର୍ତ୍ତନ ହେବାର ସମ୍ଭାବନା ରହିଛି । ଏଥିପାଇଁ ଚାଲିଛି ଜୋରଦାର୍ କସରତ । ମନ୍ତ୍ରିମଣ୍ଡଳ ଅଦଳବଦଳ ବାଦ୍ ବିଜେଡିର ସାଙ୍ଗଠନିକ ସ୍ତରରେ ନୂଆ ମଙ୍ଗୁଆଳ ନିଯୁକ୍ତି ପାଇଁ ଚାଲିଛି ଅଙ୍କକଷା । କିଛିଦିନ ତଳେ ବରିଷ୍ଠ ଉପସଭାପତି, ଉପସଭାପତି ଓ ସାଧାରଣ ସଂପାଦକ ମୁଖ୍ୟାଳୟ ନିଯୁକ୍ତି ହେବା ପରେ ଅନ୍ୟ ପଦାଧିକାରୀ ଓ ଛାମୁଆ ସଂଗଠନ କାହା ହାତରେ ଦିଆଯିବ ସେଥିପାଇଁ ଚାଲିଛି କସରତ । ଆଗକୁ ବାଲେଶ୍ୱର ସଦର ଓ ତିର୍ତ୍ତୋଲରେ ଉପନିର୍ବାଚନ ହେବ । ତାଛଡ଼ା ପୌର ଓ ପଞ୍ଚାୟତ ନିର୍ବାଚନ ବି ହେବାର ଅଛି। ଏସବୁର ବହୁ ପୂର୍ବରୁ ମନ୍ତ୍ରିମଣ୍ଡଳ ଓ ସାଙ୍ଗଗଠନିକ ଟିମ୍‌କୁ ମଜଭୁତ୍ କରିବାକୁ ନବୀନ ଯୋଜନା କରୁଥିବା କୁହାଯାଉଛି।

ପଂଚମ ପାଳି ସମ୍ଭାଳିବା ପରେ ଶ୍ରୀକ୍ଷେତ୍ର ପୁରୀ ଓ ଲିଙ୍ଗରାଜ ମନ୍ଦିରର ବିକାଶ, ଏସ୍‌ସିବି ମେଡିକାଲ୍ କଲେଜର ସଂପ୍ରସାରଣ, ମୋ ସରକାର ଭଳି ଅନେକ ପଦକ୍ଷେପ ନେଇ ଗୁଡ୍ ଗଭର୍ଣ୍ଣାନ୍ସ ବାର୍ତ୍ତା ଦେବାକୁ ଚାହିଁଥିଲେ ନବୀନ । ହେଲେ କୋଭିଡ୍ ମାଡ଼ରେ ଏସବୁ ଫିକା ପଡ଼ିଯାଇଛି । ମାସ୍କ ଦୁର୍ନୀତି, କୋଭିଡ୍ ପରିଚାଳନାରେ ତ୍ରୁଟି ସହ ରଥଯାତ୍ରା ନକରିବାକୁ ହୋଇଥିବା ଷଡ଼ଯନ୍ତ୍ର  ପ୍ରସଙ୍ଗରେ ସରକାର ବ୍ୟାକ୍‌ଫୁଟରେ ଥିବା ସହ ଛବି ବି ମଳିନ ହୋଇଛି । ଆଉ ଏହାକୁ ନେଇ ଦଳରେ ଅସନ୍ତୋଷ ଥିବାବେଳେ କିଛି ମନ୍ତ୍ରୀଙ୍କ ପ୍ରଦର୍ଶନ ବି ସେଭଳି ଆଖିଦୃଶିଆ ହୋଇନାହିଁ । ତେଣୁ ମନ୍ତ୍ରିମଣ୍ଡଳ ଅଦଳବଦଳ କରି ନବୀନ ମାହୋଲ୍ ବଦଳାଇବାକୁ ଯୋଜନା କରୁଥିବା ଚର୍ଚ୍ଚା ହେଉଛି।

କୋଭିଡ୍ ପରିଚାଳନାରେ ଏକପ୍ରକାର ଅନୁପସ୍ଥିତି ନବୀନ ସରକାରରେ ମନ୍ତ୍ରୀଙ୍କ ଗୁରୁତ୍ୱକୁ ନେଇ ପ୍ରଶ୍ନ ଉଠାଇଛି । ତେଣୁ ଆଗକୁ କିଛି ମନ୍ତ୍ରୀଙ୍କୁ ବଦଳାଇ ନବୀନ କିଭଳି ଗୁଡ୍ ଗଭରାନ୍ସର ବାର୍ତ୍ତା ଦେଉଛନ୍ତି ଓ ଖାସ୍ କରି କିଏ ଖସୁଛି ଆଉ କିଏ ସୁଯୋଗ ପାଉଛି। ଏବେ ତା ଉପରେ ନଜର ।

ଆହୁରି ପଢ଼ନ୍ତୁ

କୋଭିଡ୍ ହସ୍‌ପିଟାଲ୍ ଯିବାକୁ ନାରାଜ କରୋନା ରୋଗୀ, ତହସିଲ୍‌ଦାରଙ୍କୁ କଲେ ଦୁର୍ବ୍ୟବହାର

ଫସର ଫାଟିଲା ଯୋଜନା, ଧରାପଡ଼ିଗଲେ

‘ଆଦିବାସୀ ନାବାଳିକା ଦୁଷ୍କର୍ମକାରୀଙ୍କୁ ସୁରକ୍ଷା ଦେଉଛନ୍ତି ମନ୍ତ୍ରୀ ପଦ୍ମିନୀ ଦିଆନ୍‌’

ୱିଙ୍ଗ କମାଣ୍ଡର ନିଖିଲ ରଥଙ୍କୁ ଶୁଭେଚ୍ଛା

କରୋନା ମୁକାବିଲା ପାଇଁ ଗଞ୍ଜାମ ପ୍ରଶାସନକୁ କଣ ପରାମର୍ଶ ଦେଲେ କେନ୍ଦ୍ର ସ୍ୱାସ୍ଥ୍ୟ ସଚିବ

ପ୍ରଶାସନିକ ସେବା କ୍ଷେତ୍ରରେ କଣ୍ଟାବାଞ୍ଜିର ନୂଆ ଅଧ୍ୟାୟ

ଟେନ୍‌ସନ୍‌ ବଢ଼ାଇଲା ବେହେରା ସାହି, ପୁଣି ୪୬ କରୋନା ଆକ୍ରାନ୍ତ ଚିହ୍ନଟ

ଗଞ୍ଜାମରେ ଆରୋଗ୍ୟ ହାର ୭୮%କୁ ବୃଦ୍ଧି

‘ମିଡିଆକୁ ନିଜ ନିୟନ୍ତ୍ରଣରେ ରଖିବାକୁ ଚାହୁଁଛନ୍ତି ରାଜ୍ୟ ସରକାର’

କାଲି ପରି ଆଜି ବି ଆଖି ବୁଜିଲେ ୧୨ ଆକ୍ରାନ୍ତ

ସିଏଜି ଭାବେ ଶପଥ ନେଲେ ଗିରୀଶ ମୁର୍ମୁ

ଶୁଣିଲେନି ଡାକ୍ତର, ନର୍ସ; ଆଖି ବୁଜିଲା ନବଜାତ ଶିଶୁ