ପାରାଦୀପ (ରମାକାନ୍ତ ନାୟକ): ପାରାଦୀପ ସମୁଦ୍ରରେ ବୋଟ୍ ଚାଳକ ମାୟାଧର ମଲ୍ଲିକଙ୍କ ମୃତ୍ୟୁକୁ ନେଇ ଉତ୍ତେଜନା ପ୍ରକାଶ ପାଇଛି। ମାୟାଧରଙ୍କୁ ଗୁଳି ମରାଯିବା ପ୍ରତିବାଦ କରି ପାରାଦୀପ ଓ ବାଲେଶ୍ୱର ବୋଟ ମାଲିକ ସଂଘ ପାରାଦୀପ ଥାନା ଓ କୋଷ୍ଟଗାର୍ଡ କାର୍ଯ୍ୟାଳୟ ଘେରାଉ କରି ମୃତକଙ୍କ ପରିବାରକୁ କ୍ଷତିପୂରଣ ସହ ଦୋଷୀଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଦାବି କରିଥିଲେ। ଏଥିସହ ତାଙ୍କ ପୁଅଙ୍କୁ ୧୮ ବର୍ଷ ହେବା ପରେ କୋଷ୍ଟଗାର୍ଡରେ ଚାକିରି ଦେବା ସହ ଅନ୍ୟାନ୍ୟ କ୍ଷତିପୂରଣ ଦେବାକୁ ଦାବି କରିଥିଲେ। ଏନେଇ ପ୍ରତିଶ୍ରୁତି ମିଳିବା ପରେ ମତ୍ସ୍ୟଜୀବୀମାନେ ଆନ୍ଦୋଳନରୁ ଓହରିଛନ୍ତି।
ତେବେ ବୋଟ୍ ଚାଳକ ମାୟାଧର ମଲ୍ଲିକଙ୍କ ମୃତ୍ୟୁ କେମିତି ହୋଇଛି ସ୍ପଷ୍ଟ ହୋଇନାହିଁ। ପାରାଦୀପ ଗଭୀର ସମୁଦ୍ର ଭିତରୁ କୋଷ୍ଟଗାର୍ଡ ବୋଟ୍ ଚାଳକ ମାୟାଧରଙ୍କ ମୃତଦେହ ଉଦ୍ଧାର କରିଥିଲା। କୋଷ୍ଟଗାର୍ଡଙ୍କ ଗୁଳିରେ ମାୟାଧରଙ୍କ ମୃତ୍ୟୁ ହୋଇଥିବା ମୃତକଙ୍କ ସମ୍ପର୍କୀୟ ଅଭିଯୋଗ କରିଥିଲେ। କେଉଁ ପରିସ୍ଥିତିରେ ବୋଟ୍ ଚାଳକଙ୍କ ମୃତ୍ୟୁ ହୋଇଛି କୋଷ୍ଟଗାର୍ଡ ଏହାର ତଦନ୍ତ କରୁଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
