ଶଗଡ଼ରେ ଗଲେ ବରକନିଆ

ଶଗଡ଼ରେ ଗଲେ ବରକନିଆ। ବାହାଘର ପରେ ଶଗଡ଼ରେ ବସି ଶାଶୂଘର ଗଲେ କନ୍ୟା। ଏଭଳି ଏକ ଦୃଶ୍ୟ ଦେଖିବାକୁ ମିଳିଛି ଗଞ୍ଜାମ ଜିଲ୍ଲା ଜଗନ୍ନାଥପ୍ରସାଦ ବ୍ଳକ୍ ଅଞ୍ଚଳରେ। ଗତ ୮ ତାରିଖରେ ଏହି ବ୍ଲକର କୁଡୁତାଇ ପଞ୍ଚାୟତ ଅନ୍ତର୍ଗତ ବାଙ୍କତରା ଗାଁର ଗଦାଧର ନାୟକଙ୍କ ପୁଅ ମହେନ୍ଦ୍ରଙ୍କ ବାହାଘର ପାଟରାପଲ୍ଲୀ ଗାଁର ସରିତାଙ୍କ ସହ ସମ୍ପନ୍ନ ହୋଇଛି। ଉଭୟ ମହେନ୍ଦ୍ର ଓ ସରିତା ଗୋଟିଏ ଶ୍ରେଣୀରେ ପଢୁଥିଲେ। ଉଚ୍ଚଶିକ୍ଷା ପରେ ପରେ ଉଭୟେ ଭୁବନେଶ୍ୱରରେ ଏକ ଘରୋଇ କମ୍ପାନୀରେ କାମ କରୁଛନ୍ତି। ପରିବାର ଲୋକଙ୍କ ସହମତିରେ ସେମାନେ ନିଜ ବାହାଘରକୁ ଟିକେ ନିଆରା ଢଙ୍ଗରେ କରିଛନ୍ତି।