ବାତ୍ୟା ପରିଚାଳନା ନେଇ ରାଜ୍ୟ ସରକାରଙ୍କ ଉପରେ ବର୍ଷିଲା କଂଗ୍ରେସ

ଭୁବନେଶ୍ୱର(ଓଡ଼ିଶା ରିପୋର୍ଟର) ବାତ୍ୟା ପରିଚାଳନା ନେଇ ରାଜ୍ୟ ସରକାରଙ୍କ ଉପରେ ବର୍ଷିଲା କଂଗ୍ରେସ । ବାତ୍ୟାରେ ପ୍ରଭାବିତ ହୋଇଥିବା ଜିଲ୍ଲାରେ ଲୋକଙ୍କୁ ରିଲିଫ୍ ଓ ଖାଇବା ଠିକ୍‌ରେ ମିଳିନି। ଏପରିକି ଲୋକେ ୩ରୁ ୪ ଦିନ ଯାଏ ଖାଦ୍ୟ ମିଳିନି ବୋଲି ଅଭିଯୋଗ କରିଛନ୍ତି ପିସିସି କାର୍ଯ୍ୟକାରୀ ସଭାପତି ପ୍ରଦୀପ ମାଝୀ । ବାତ୍ୟା ଓ ପରେ ପାଣି ଘେରରେ ଥିବା ଅଞ୍ଚଳକୁ ସେ ବୁଲି ଦେଖିଥିଲେ ।

ହେଲେ ଏହି ସମୟରେ ଲୋକଙ୍କ ପାଖରେ ରାଜ୍ୟ ସରକାରଙ୍କ ପକ୍ଷରୁ ସହାୟତା ମିଳିନଥିଲା  ରିଲିଫ । କେବଳ ଚୁଡ଼ା, ଗୁଡ଼, ପଲିଥିନରେ କେବଳ ସୀମିତ ରହିଛି।  ମୁଖ୍ୟମନ୍ତ୍ରୀ ୭ ଦିନ ପାଇଁ ରନ୍ଧା ଖାଦ୍ୟ କହିଥିଲେ

ହେଲେ ତାହା ଗ୍ରାଉଣ୍ଡରେ ଲୋକଙ୍କୁ ମିଳିନି । ବାଲେଶ୍ୱର, ଭଦ୍ରକ, ଜଗତସିଂହପୁର, କେନ୍ଦ୍ରାପଡ଼ାଜିଲ୍ଲାରେ ଚାଷ ଉଜୁଡ଼ିଛି। ପ୍ରାୟ ୭୦୦ କୋଟିର ଚିଙ୍ଗୁଡ଼ି ଚାଷ ନଷ୍ଟ ହୋଇଛି । ତେଣୁ ତୁରନ୍ତ ରାଜ୍ୟ ସରକାର ଏତି ପ୍ରତି ଧ୍ୟାନ ଦେବାକୁ ପ୍ରଦୀପ ମାଝୀ ଦାବି କରିଛନ୍ତି ।

ସୂଚନା ଅନୁଯାୟୀ, ବାତ୍ୟା କ୍ଷୟକ୍ଷତି ଆକଳନ ଓ ଲୋକଙ୍କ ସୁଖଦୁଃଖରେ ସାମିଲ ହେବା ପାଇଁ ପ୍ରଦେଶ କଂଗ୍ରେସ ପକ୍ଷରୁ ଏକ ଟାସ୍କଫୋର୍ସ ଗଠନ କରାଯାଇ ଥିଲା। ପିସିସି କାର୍ଯ୍ୟକାରୀ ସଭାପତି ପ୍ରଦୀପ ମାଝୀଙ୍କ ନେତୃତ୍ୱରେ ୮ଜଣିଆ ‘ୟାସ ଟାସ୍କଫୋର୍ସ’ କମିଟି ଗଠନ ହୋଇଛି । ପିସିସି ସଭାପତି ନିରଞ୍ଜନ ପଟ୍ଟନାୟକ ଏହି କମିଟି ଗଠନକୁ ଅନୁମୋଦନ କରିଥିଲେ। ଏହି କମିଟି ବାତ୍ୟା ପ୍ରଭାବିତ ଅଞ୍ଚଳ ଗସ୍ତ କରି ଅନୁଧ୍ୟାନ କରୁଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।