ସୁନ୍ଦରଗଡ଼ (ବିଜୟ ବରୁଆ): କ୍ୱାରେଣ୍ଟାଇନ୍ ଗଲେ ପୋକ୍ସୋ କୋର୍ଟ ବିଚାରପତି, ସରକାରୀ ଓକିଲ ଓ ଷ୍ଟାଫ୍। ଆଜି ଏପରି ଖବର ସୁନ୍ଦରଗଡ଼ରୁ ଆସିଛି। କୋର୍ଟ ଯାଇଥିବା ଦୁଇ କନ୍ଷ୍ଟେବଳ ‘କରୋନା’ରେ ଆକ୍ରାନ୍ତ ହୋଇଥିବା ଜଣାପଡ଼ିବା ପରେ ଜିଲ୍ଲାପ୍ରଶାସନ ଏପରି ପଦକ୍ଷେପ ନେଇଛି।
ଗତ ୨ ତାରିଖରେ ବୀରମିତ୍ରପୁର ନାବାଳିକା ପୀଡ଼ିତାଙ୍କୁ ସୁନ୍ଦରଗଡ଼ ପୋକ୍ସୋ କୋର୍ଟରେ ହାଜର କରାଯାଇଥିଲା। ପୀଡ଼ାତାଙ୍କୁ ଦୁଇ ମହିଳା କନ୍ଷ୍ଟେବଳ କୋର୍ଟରେ ହାଜର କରାଇଥିଲେ। ଏହା ପରେ ଦୁଇ କନ୍ଷ୍ଟେବଳଙ୍କୁ ଥଣ୍ଡା ଓ କାଶ ହୋଇଥିଲା। ପରେ ସେମାନଙ୍କ ରକ୍ତ ଓ ସ୍ୱାବ୍ ଟେଷ୍ଟ ପାଇଁ ପଠାଯାଇଥିଲା।
ଗତକାଲି ଆସିଥିବା ରିପୋର୍ଟରେ ଉଭୟଙ୍କୁ ‘କରୋନା’ ହୋଇଥିବା ସ୍ପଷ୍ଟ ହୋଇଛି। ଏହା ପରେ ସୁନ୍ଦରଗଡ଼ ଜିଲ୍ଲା ପ୍ରଶାସନ ତତ୍ପର ହୋଇଛି। ପୋକ୍ସୋ କୋର୍ଟର ବିଚାରପତି, ସରକାରୀ ଓକିଲ ଓ ଅନ୍ୟ ଷ୍ଟାଫ୍ମାନେ ହୋମ୍ କ୍ୱାରେଣ୍ଟାଇନ୍ରେ ରହିଛନ୍ତି। ତେବେ ପୀଡ଼ିତା ନାବାଳିକାଙ୍କ ରିପୋର୍ଟ ନେଗେଟିଭ୍ ଆସିଛି। ଅନ୍ୟପକ୍ଷରେ କୋର୍ଟକୁ ସାନିଟାଇଜ୍ କରାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
