ଦୁଇ ଦିନିଆ ଶଟ୍‌ଡାଉନ୍‌ର ଆଜି ଦ୍ୱିତୀୟ ଦିନ

ଭୁବନେଶ୍ୱର(ଓଡ଼ିଶା ରିପୋର୍ଟର): ୧୧ଟି ଜିଲ୍ଲାରେ ଜୁନ୍‌ ମାସରେ ପ୍ରତି ସପ୍ତାହର ଶନି ଓ ରବିବାର ଦିନ ଶଟ୍‌ଡାଉନ୍ କରାଯିବ ବୋଲି ରାଜ୍ୟ ସରକାର ନିର୍ଦ୍ଦେଶ ଦେଇଥିବା ବେଳେ ଗତକାଲି ଠାରୁ ଏହା ଆରମ୍ଭ ହୋଇଛି। ଆଉ ଆଜି ହେଉଛି ଏହି ସପ୍ତାହର ଦ୍ୱିତୀୟ ଶଟ୍‌ଡାଉନ୍‌।

ଗତକାଲି ପ୍ରଥମ ଦିନରେ ପୁରୀକୁ କଟକଣା ମୁକ୍ତ କରାଯାଇଥିଲା ବେଳେ ଅନ୍ୟ ସବୁ ଜିଲ୍ଲାରେ ଶଟ୍‌ଡାଉନ୍‌ର ପ୍ରଭାବ ଦେଖିବାକୁ ମିଳିଥିଲା। ଲୋକେ ସ୍ୱତଃପ୍ରବୃତ୍ତ ଭାବେ ଶଟ୍‌ଡାଉନ୍‌କୁ ମାନି ଘରେ ରହିଥିଲେ।

ସବୁଠୁ ଅଧିକ କରୋନା ପ୍ରଭାବିତ ଜିଲ୍ଲା ଗଞ୍ଜାମ, ପୁରୀ, ନୟାଗଡ଼, କଟକ, ଜଗତସିଂହପୁର, କେନ୍ଦ୍ରାପଡ଼ା, ଖୋର୍ଦ୍ଧା, ଯାଜପୁର, ଭଦ୍ରକ, ବାଲେଶ୍ୱର ଓ ବଲାଙ୍ଗିରରେ ଶନିବାର ଓ ରବିବାର ଦୁଇ ଦିନିଆ ଶଟ୍‌ଡାଉନ୍ ଘୋଷଣା ହୋଇଛି।

ଶଟ୍‌ଡାଉନ୍ ସମୟରେ ଦୋକାନ ବଜାର ସମ୍ପୂର୍ଣ୍ଣ ବନ୍ଦ ରହିବାର ନିୟମ ରହିଛି।  ସ୍ୱାସ୍ଥ୍ୟ ସେବା, ଜଳ ଓ ବିଦ୍ୟୁତ୍ ଯୋଗାଣ, ଆରବିଆଇ ଭଳି ଆର୍ଥିକ ସଂସ୍ଥା, କ୍ଲିୟରିଂ ହାଉସ ଓ ଏଟିଏମ୍ ଖୋଲା ରହିବ। ଏୟାରପୋର୍ଟ, ଷ୍ଟେସନ୍, ବସ୍‌ ଟର୍ମିନାଲ ସ୍ୱାଭାବିକ ଭାବେ କାମ କରିବ। ତେଣୁ ଏସବୁ ସଂସ୍ଥାରେ ନିୟୋଜିତ ଲୋକଙ୍କ ଉପରେ କୌଣସି ଯା’ଆସ କଟକଣା ନାହିଁ।

ଅନ୍‌ଲାଇନ୍ ଫୁଡ୍ ଡେଲିଭରି ସଂସ୍ଥା ସ୍ୱିଗି ଓ ଜୋମାଟୋର ଡେଲିଭରି ବୟ ମଧ୍ୟ ବିନା ବାଧାରେ ଯାତାୟତ  କରିପାରିବେ। ଖବରକାଗଜ ହକରଙ୍କୁ ସକାଳ ୫ଟାରୁ ୮ଟା ଯାଏ ବିକ୍ରି ଅନୁମତି ମିଳିଛି। ଏଲ୍‌ପିଜି ହୋମ୍ ଡେଲିଭରି କରୁଥିବା କର୍ମଚାରୀ ମଧ୍ୟ ବିନା ବାଧାରେ ନିଜ କାମ କରିପାରିବେ। ହେଲେ ଏମାନଙ୍କୁ ପରିଚୟପତ୍ର ଓ ଭେଇକିଲ ପାସ୍ ଦେଖାଇବାକୁ ପଡ଼ିବ।  ଟ୍ୟାକ୍ସି, ଅଟୋ ଓ ଅନ୍ୟ ଜରୁରୀ ସେବାରେ କାର୍ଯ୍ୟରତ ଲୋକେ ପୁଲିସ୍ ଦେଇଥିବା ପାସ୍ ବ୍ୟବହାର କରିପାରିବେ।  ବାହାଘର ଓ ଶେଷକୃତ୍ୟ ପାଇଁ ପୁଲିସ୍ ପାସ୍ ଦେବ। ଏଥିସହ ଜରୁରୀକାଳୀନ ସ୍ଥିତିରେ ୧୦୦କୁ ଡାଏଲ୍ କରି ପାସ୍ ମିଳିପାରିବ।

ଆହୁରି ପଢ଼ନ୍ତୁ

ବିଏମସିର ନିଷ୍ପତ୍ତି ଅଗଣତାନ୍ତ୍ରିକ, ମୁଖ୍ୟମନ୍ତ୍ରୀଙ୍କୁ ଭେଟିବେ ୯ଟି ବିରୋଧୀ ଦଳର ନେତା

ଓଏଏସ ଅଫିସରସ୍ତରରେ ଅଦଳବଦଳ; କାହାକୁ କଣ ମିଳିଲା ପଢ଼ନ୍ତୁ

ସାଙ୍ଗ ହୋଇ ଚାଲିଗଲେ ଦୁଇ ଭଉଣୀ; କାରଣ ଅସ୍ପଷ୍ଟ

ରଞ୍ଜନଙ୍କୁ ଟାଣି ନେଲା କୁମ୍ଭୀର

ଟିପିଏସ୍‌ଏଲ୍‌ କାରଖାନା ବିସ୍ଫୋରଣ ଘଟଣାରେ ଜଣେ ଶ୍ରମିକ ମୃତ

ସିଡିଏ ସେକ୍ଟର ୯ରୁ ଉଠିଲା କଣ୍ଟେନ୍‌ମେଣ୍ଟ୍‌

କାର୍‌ରେ ପ୍ରେସ୍ ଲେଖି ଡେରା ପକାଇଥିଲେ, ହେଲେ ଫନ୍ଦି ଧରାପଡ଼ିଲା

ଆଜି ଛତିଶା ନିଯୋଗ ଓ ପରିଚାଳନା କମିଟି ବୈଠକ

ଘରେ ବସି ଅନ୍‌ଲାଇନରେ ପରୀକ୍ଷା ଦେଇପାରିବେ ଡିପ୍ଲୋମା ଛାତ୍ରଛାତ୍ରୀ

ଭିଜିଲାନ୍ସ ଜାଲରେ ପୌର ପରିଷଦ ନିର୍ବାହୀ ଅଧିକାରୀ

ମାର୍କୋଣା ପଞ୍ଚାୟତ ୪୮ ଘଣ୍ଟା ଶଟ୍‌ଡାଉନ୍‌

ଆଶାକର୍ମୀଙ୍କ ପାଇଁ ମୋବାଇଲ କିଣାରେ ହୋଇଛି ବ୍ୟାପକ ଦୁର୍ନୀତି: କଂଗ୍ରେସ