ଭୁବନେଶ୍ୱର(ଓଡ଼ିଶା ରିପୋର୍ଟର): ରାଜ୍ୟରେ ଆଉ ୨ ଜଣ କରୋନା ପଜିଟିଭ ଚିହ୍ନଟ ହୋଇଛନ୍ତି। ଏହି ଦୁଇ ଆକ୍ରାନ୍ତ ଯାଜପୁର ଜିଲ୍ଲା ବରୀ ବ୍ଲକ୍ର ବୋଲି ଜଣାପଡ଼ିଛି। ଉଭୟେ ପୁରୁଷ। ଜଣଙ୍କ ବୟସ ୪୮ ଓ ଅନ୍ୟ ଜଣଙ୍କ ବୟସ ୫୫। ସେମାନେ ଦୁହେଁ କୋଲକାତାରୁ ଫେରିଥିଲେ। ସେମାନଙ୍କ ଶରୀରରେ କରୋନା ଲକ୍ଷଣ ନ ଥିବା ବେଳେ ସେମାନେ କ୍ୱାରେଣ୍ଟିନରେ ଥିଲେ। ଫଳରେ ଜିଲ୍ଲାରେ କରୋନା ଆକ୍ରାନ୍ତଙ୍କ ସଂଖା ୪୭ରେ ପହଞ୍ଚିଛି। ଏନେଇ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ୱେବସାଇଟ୍ରୁ ସୂଚନା ମିଳିଛି।
ଆଜି ସକାଳେ ଜିଲ୍ଲାରୁ ଆଉ ୫ କରୋନା ପଜିଟିଭ୍ ଚିହ୍ନଟ ହୋଇଥିଲେ। ୫ ଆକ୍ରାନ୍ତଙ୍କ ମଧ୍ୟରେ ୩ ପୁରୁଷ, ୨ ମହିଳା ଥିଲେ। ସେମାନଙ୍କର ମଧ୍ୟ କୌଣସି ଲକ୍ଷଣ ନଥିଲା। ହେଲେ କ୍ୱାରେଣ୍ଟାଇନ୍ରେ ଥିଲେ।
ରାଜ୍ୟରେ କରୋନା ଆକ୍ରାନ୍ତଙ୍କ ସଂଖ୍ୟା ୧୫୬କୁ ବୃଦ୍ଧି ପାଇଛି। ଏବେ ରାଜ୍ୟରେ ଆକ୍ଟିଭ୍ କେସ୍ ୧୦୦ ଥିବା ବେଳେ ସୁସ୍ଥ ହୋଇ ଡିସଚାର୍ଜ ହୋଇଛନ୍ତି ୫୫ ଓ ଜଣଙ୍କର ମୃତ୍ୟୁ ଘଟିଛି।