ବିହାର ରାଜଧାନୀ ପାଟନାଠାରେ ଆସନ୍ତା ୧୨ ତାରିଖରେ ବିରୋଧୀ ଦଳଗୁଡ଼ିକର ବୈଠକ ବସିବ। ନିଜେ ବିହାର ମୁଖ୍ୟମନ୍ତ୍ରୀ ନୀତୀଶ କୁମାର ଚାରିଆଡ଼େ ବୁଲିବୁଲି ବିଭିନ୍ନ ନେତାଙ୍କୁ ଭେଟିବା ପରେ ପାଟନାଠାରେ ଏହି ସବୁ ଦଳ ମିଳିତ ଭାବରେ ବସି ଚୂଡ଼ାନ୍ତ ରଣନୀତି ସ୍ଥିର କରିବେ। ବୈଠକରେ ସାମିଲ ହେବା ଲାଗି ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କୁ ମଧ୍ୟ ନିମନ୍ତ୍ରଣ କରାଯାଇଛି। ଗତମାସ ନବୀନ-ନୀତୀଶ ଭେଟଘାଟ ସମୟରେ ନିଜେ ବିହାର ମୁଖ୍ୟମନ୍ତ୍ରୀ ଏନେଇ ଓଡ଼ିଶାର ମୁଖ୍ୟମନ୍ତ୍ରୀଙ୍କୁ ନିମନ୍ତ୍ରଣ କରିଥିବାର ଚର୍ଚ୍ଚା ହେଉଛି। ସେତେବେଳେ ଏଭଳି କୌଣସି ରାଜନୈତିକ ଚର୍ଚ୍ଚାକୁ ଉଭୟ ପକ୍ଷ କିନ୍ତୁ ଅସ୍ୱୀକାର କରିଥିଲେ। ମାତ୍ର ନୀତୀଶ ବିଭିନ୍ନ ନେତାଙ୍କୁ ଭେଟିବା ପରେ ଏବେ ପାଟନା ବୈଠକର ରୂପରେଖ ଚୂଡ଼ାନ୍ତ କରାଯାଇଥିବା କୁହାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।