ଝାରସୁଗୁଡ଼ା(ଭାଗିରଥୀ ସାହୁ): ଝାରସୁଗୁଡ଼ା ଜିଲ୍ଲା ବ୍ରଜରାଜନଗରଠାରେ ଥିବା କୁକୁରିକାନି ସରକାରୀ ଡାକ୍ତରଖାନା ନିକଟରେ ଏକ କାର୍ ଧକ୍କାରେ ଜଣେ ମହିଳାଙ୍କ ମୃତ୍ୟୁ ହୋଇଛି l ମୃତା ମହିଳାଙ୍କ ନାଁ ଲତା ବେହେରା (୩୫)। ତାଙ୍କ ଘର କୁତାବଗା ଗାଁରେ। ଏହି ଦୁର୍ଘଟଣାରେ ଲତାଙ୍କ ଝିଅ ରେଣୁକା ଗୁରୁତର ହୋଇଛନ୍ତି।
ଆଜି ଦିନ ପ୍ରାୟ ୧୧ଟା ବେଳେ ଲତା ନିଜ ଝିଅ ରେଣୁକା ସହ କୁକୁରିକାନି ସରକାରୀ ଡାକ୍ତରଖାନାକୁ ଯାଇଥିଲେ। ସେଠାରୁ ଚାଲି ଚାଲି ଘରକୁ ଫେରୁଥିଲେ l ହେଲେ ଅଳ୍ପ ବାଟ ପରେ ସେହି ଡାକ୍ତରଖାନାର ଜଣେ ଡାକ୍ତରଙ୍କ କାର୍ ଉଭୟଙ୍କୁ ପଛ ପଟୁ ଧକ୍କା ଦେଇଥିଲା।
ଗୁରୁତର ଅବସ୍ଥାରେ ଉଭୟଙ୍କୁ ମଣ୍ଡାଳିଆସ୍ଥିତ କେନ୍ଦ୍ରୀୟ ଚିକିତ୍ସାଳରେ ଭର୍ତ୍ତି କରାଯାଇଥିଲା। ସେଠାରେ ଡାକ୍ତର ଲତାଙ୍କୁ ମୃତ ଘୋଷଣା କରିଥିଲେ।
ଖବର ପାଇ ପୁଲିସ୍ ଦୁର୍ଘଟଣା ଘଟାଇଥିବା କାର୍କୁ ଜବତ କରିଛି। ଏଥିସହ କାର୍ ଡ୍ରାଇଭରକୁ ଅଟକ ରଖିଛି। ତେବେ ଦୁର୍ଘଟଣା ସମୟରେ ଡାକ୍ତର କାର୍ରେ ନଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
