ମୋବାଇଲ ବ୍ୟାଟେରୀ ଫାଟି ଯୁବକ ଗୁରୁତର

କୁଚିଣ୍ଡା(ଦେବେନ୍ଦ୍ର ବେହେରା): ପୁଣି ଫାଟିଲା ମୋବାଇଲ ବ୍ୟାଟେରୀ।

ସମ୍ବଲପୁର ଜିଲ୍ଲା କୁଚିଣ୍ଡା ଥାନା ଡନସନାଡିହି ଗାଁରେ ଘଟିଛି ଏହି ଅଘଟଣ। ଦୁଷ୍ମନ୍ତ ଖର୍ସେଲ୍ ନାମକ ଜଣେ ଯୁବକ ମୋବାଇଲରୁ ବ୍ୟାଟେରୀ ଚାର୍ଜ କଲା ବେଳେ ବିସ୍ଫୋରଣ ଘଟିଥିଲା। ଫଳରେ ସେ ଗୁରୁତର ଆହତ ହୋଇଛନ୍ତି।

ପରିବାର ଲୋକେ ତାଙ୍କୁ କୁଚିଣ୍ଡା ମେଡିକାଲରେ ଭର୍ତ୍ତି କରିଥିଲେ। ସେଠାରେ ତାଙ୍କ ସ୍ୱାସ୍ଥ୍ୟ ଅବସ୍ଥା ଗୁରୁତର ହେବାରୁ ବୁର୍ଲା ମେଡିକାଲକୁ ସ୍ଥାନାନ୍ତର କରାଯାଇଛି।