ମାଲକାନଗିରି (ଜୀତେନ୍ଦ୍ର ବେଉରା): ପଞ୍ଜୁରୀ ଭିତରେ ମାଛ ଚାଷ। କଥାଟା ଆପଣଙ୍କୁ ଟିକେ ଆଶ୍ଚର୍ଯ୍ୟ ଲାଗୁଥାଇପାରେ। କିନ୍ତୁ ଏହା ସତ। ମାଲକାନଗିରି ଜିଲ୍ଲା ସତୀଗୁଡା ଜଳଭଣ୍ଡାରରେ ଏଭଳି ଅଭିନବ ପ୍ରୟାସ କରିଛି ମତ୍ସ୍ୟ ବିଭାଗ।
ଜଳରାଶିରେ ଭାସମାନ ଅବସ୍ଥାରେ ୫ ମିଟର ଲମ୍ବା ୫ ମିଟର ଚଉଡା ସହ ଚାରି ମିଟର ଉଚ୍ଚତା ଥିବା ୧୦ଟି ପଞ୍ଜୁରୀ ନିର୍ମାଣ କରାଯାଇଛି। ପ୍ରତି ପଞ୍ଜୁରୀରେ ୨ ହଜାରରୁ ଅଧିକ ଯାଆଁଳା ଛଡାଯାଇଛି। ଏଥିପାଇଁ ମୋଟ ୭ଲକ୍ଷ ଟଙ୍କା ଖର୍ଚ୍ଚ କରାଯାଇଛି। ୬ରୁ ୮ ମାସ ଭିତରେ ଗୋଟେ ପଞ୍ଜୁରୀରୁ ଦେଢ କ୍ୟିଣ୍ଟାଲ୍ ମାଛ ବାହାରିବ ନେଇ ଆଶା କରାଯାଇଛି। ଏଥିପାଇଁ ୭ଲକ୍ଷ ଟଙ୍କା ଖର୍ଚ୍ଚ ହୋଇଥିବା ବେଳେ ୧୫ଲକ୍ଷ ରୋଜଗାର କରିହେବ ବୋଲି ଆଶା କରାଯାଇଛି।
ସେପଟେ ସାଧାରଣ ଲୋକଙ୍କୁ ଏମିତି ଏକ ରୋଜଗାରର ମାଧ୍ୟମ ମିଳିଯାଇଥିବାରୁ ଲୋକମାନେ ମଧ୍ୟ ବେଶ୍ ଖୁସି ଅଛନ୍ତି।