ହାପି ମଦର୍ସ ଡେ: ଆସନ୍ତୁ ଗୀତରେ ଗୀତରେ ମନେ ପକାଇବା ମା’କୁ

ନୂଆଦିଲ୍ଲୀ: ଆମେ ଯେତେ ବଦଳିଲେ ବି ମା’ର ଭଲ ପାଇବା କେବେ ବଦଳି ନ ଥାଏ। ମା’ ପାଇଁ ତିଆରି ହୋଇଛି ଅନେକ ଗୀତ, ଫିଲ୍ମ ଓ ଟେଲିଭିଜନ ଧାରାବାହିକ। ମା’ ଉପରେ ଆଧାରିତ ଗୀତ ଗୁଡ଼ିକୁ ଶୁଣିଲା ମାତ୍ରେ ଆଖିରୁ ଝରିଆସେ ଲୁହ।  ମଦର୍ସ ଡେ’ ଅବସରରେ ଆସନ୍ତୁ ଜାଣିବା ବଲିଉଡ୍‌ର ଏମିତି କିଛି ଗୀତ ବିଷୟରେ।

ତୁ କିତ୍‌ନୀ ଅଚ୍ଛୀ ହୈ ତୁ କିତ୍‌ନୀ ଭୋଲୀ ହୋ

ଏହି ଗୀତ ଆଜି ବି ଶ୍ରୋତାଙ୍କ ହୃଦୟକୁ ଛୁଉଁଛି। ଫିଲ୍ମ ‘ରାଜ  ଓ ରଙ୍କ’ରେ ଅଛି ଏହି ଗୀତ। ୧୯୬୮ରେ ଏହି ଫିଲ୍ମ ରିଲିଜ୍‌ହୋଇଥିଲା। ଏହି ଗୀତକୁ ଲତା ମଙ୍ଗେସକର ଗାଇ ଥିବା ବେଳେ ଆନନ୍ଦ ବକ୍ସି ଏହାକୁ ଲେଖିଥିଲେ।

ଲୁବ୍‌କା ଛୁପ୍ପୀ ବହୁତ ହୁଇ

୨୦୦୬ରେ ରିଲିଜ୍‌ ହୋଇଥିବା ଫିଲ୍ମ  ‘ରଙ୍ଗ ଦେ ବସନ୍ତୀ’  ରେ ଥିବା ଏହି ଗୀତ ଆଜି ବି ଶୁଣିଲେ ଆଖିରୁ ଝରି ଆସେ ଲୁହ।

ଜଣେ ମା’ ପୁଅକୁ ହରାଇବାର ଦୁଃଖକୁ ଏହି ଗୀତରେ ବର୍ଣ୍ଣନା କରାଯାଇଛି। ଏହି ଗୀତକୁ ଏ.ଆର୍ ରହମାନ୍‌ ମ୍ୟୁଜିକ୍‌ ଦେଇ ଥିଲେ। ରହମାନ୍‌ ଓ ଲତା ମଙ୍ଗେସକର ଏହି ଗୀତକୁ ମିଶିକି ଗାଇଛନ୍ତି।

ତୁଝେ ସବ୍‌ହୈ ପତା ମେରୀ ମାଁ’

ସମସ୍ତଙ୍କ ହୃଦୟରେ ରାଜ୍ କରୁଥିବା ଫିଲ୍ମ ଗ୍ଧତାରେ ଜମିନ୍‌ପର’ ରେ ଅଛି ଏହି ଗୀତ। ଏହି ଗୀତଟି ସମସ୍ତଙ୍କର ପସନ୍ଦ। ଏହି ଫିଲ୍ମରେ ଅତି ସମ୍ବେଦନଶୀଳ ପ୍ରସଙ୍ଗକୁ ଉଠା ଯାଇଥିଲା।  ୨୦୦୭ରେ ଏହି ଫିଲ୍ମ ରିଲିଜ୍ ହୋଇଥିଲା। ଶଙ୍କର ମହାଦେବନ ଏହି ଗୀତକୁ ଗାଇଥିଲେ। ଗୀତଟିକୁ ଲେଖିଥିଲେ ପ୍ରସୂନ ଜୋଶୀ।

ମେରୀ ମାଁ ପ୍ୟାରୀ ମାଁ

ଫିଲ୍ମ  ‘ଦଶ୍ୱୀଦାନିଆ’ ରେ ଅଛି ଏହି ଗୀତ। ୨୦୦୮ରେ ଏହି ଫିଲ୍ମ ରିଲିଜ୍‌ ହୋଇଥିଲା। ଗୀତଟିକୁ କୈଳାଶ ଖୈର ଗାଇଥିଲେ। ସରୀତା ଜୋଶୀ ଏହି ଫିଲ୍ମରେ ମା’ ଭୂମିକାରେ ଅଭିନୟ କରିଥିଲେ।

ଐସା କ୍ୟୁଁ ମାଁ

ସୋନମ କପୁର ଓ ସାବନା ଆଜମୀଙ୍କୁ ନେଇ ନିର୍ମିତ ହୋଇଥିବା ଫିଲ୍ମ ‘ନୀରଜା’ ଅଛି ଏହି ଗୀତ। ଏହାକୁ ଦର୍ଶକ ବେଶ୍ ପସନ୍ଦ କରିଛନ୍ତି।  ୨୦୧୬ରେ ଏହି ଫିଲ୍ମ ରିଲିଜ୍‌ ହୋଇଥିଲା। ଏହି ଗୀତକୁ ସୁନିଧି ଚୌହାନ୍‌ଗାଇଥିଲେ।

ସୌଜନ୍ୟ-ଏନ୍‌ଡିଟିଭି

ଫଟୋ-ଗୁଗଲ୍‌