ବେଳେ ବେଳେ କିଛି ସାଧାରଣ କାମ ଅସାଧାରଣ ଉଦାହରଣ ସୃଷ୍ଟି କରେ। ସମସ୍ୟା ଯେତେ ଜଟିଳ ହୋଇଥିଲେ ମଧ୍ୟ ବୁଦ୍ଧି ଓ ଜ୍ଞାନ ବଳରେ ଅତି ସରଳ ଉପାୟରେ ଏହାର ସମାଧାନ କରାଯାଇପାରେ।
ଆଉ ଏହି ଛୋଟିଆ ପଦକ୍ଷେପ ହିଁ ବଡ଼ ବିପଦକୁ ଟାଳିବାରେ ସହାୟକ ହେବା ସହ ଖର୍ଚ୍ଚାନ୍ତ ହେବାରୁ ବଞ୍ଚାଇଦେଇ ଥାଏ।
ଘଟଣାଟି ଏହିପରି: ଗୋଟିଏ କୁନି ପିଲା ଏକ କଏନ ଗିଳିଦେଇଥିବା ବେଳେ ବିନା ସର୍ଜରୀରେ ଏକ ସହଜ ଓ ସରଳ ଉପାୟରେ ଡାକ୍ତରମାନେ ଏହାର ସମାଧାନ କରିଦେଇଛନ୍ତି। ଖାଲି ବୁଦ୍ଧି ଖଟାଇ ଡାକ୍ତରମାନେ ସେହି କୁନି ପିଲା ତଣ୍ଟିରୁ କଏନଟିକୁ ବାହାର କରିବାରେ ସଫଳ ହେଉଛନ୍ତି।
ଭିଡିଓରେ ଦେଖାଯାଉଛି କଏନ ଗିଳି ଦେଇଥିବା କୁନି ପିଲାଟିର ଚିକିତ୍ସା ପାଇଁ ଡାକ୍ତରମାନେ ଲାଗିପଡ଼ିଛନ୍ତି। ଏହି ସମୟରେ ପିଲାଟିକୁ ଯନ୍ତ୍ରଣା ହେଉଥିବାରୁ ସେ କାନ୍ଦୁଛି। କିନ୍ତୁ ଡାକ୍ତରମାନେ ତାକୁ ସ୍ନେହ ଆଦର କରି ତୁନି କରାଇବାକୁ ଚେଷ୍ଟା କରୁଛନ୍ତି। ଆଉ ଶେଷରେ କଏନଟିକୁ କାଢିବାରେ ସଫଳ ହେଉଛନ୍ତି।
ଏଥିପାଇଁ କୌଣସି ବଡ଼ ସର୍ଜରୀ କିମ୍ବା କୌଣସି ବୈଷୟିକ ଯନ୍ତ୍ରପାତି ଆବଶ୍ୟକ ପଡ଼ୁନାହିଁ। ଡାକ୍ତରଙ୍କ ପାଇଁ ଏହି ଭିଡିଓଟି ଖୁବ୍ ଶିକ୍ଷଣୀୟ। ଏଥିରୁ ଗୋଟିଏ ବାର୍ତ୍ତା ମିଳୁଛି ଯେ, ସମସ୍ୟା ଯେତେ ଜଟିଳ ହେଉ ନା କାହିଁକି କିମ୍ବା ରୋଗ ଯେତେ ବଡ଼ ହେଉ ନା କାହିଁକି, ବୁଦ୍ଧି ଖଟାଇ ଏହାର ସମାଧାନ କରାଯାଇପାରେ। ଯାହାର ଉପକାର ସାଧାରଣ ଲୋକଟିଏ ପାଇପାରିବ।
ତେବେ ଦେଖନ୍ତୁ ଭିଡିଓ।
https://www.facebook.com/OdishaReporter/videos/248550475800496/