ଭୁବନେଶ୍ୱର (ଓଡ଼ିଶା ରିପୋର୍ଟର): ଦିଆସିଲି କାଠିରେ ତିଆରି ହୋଇଛି ଟ୍ୟାଙ୍କ। ଟ୍ୟାଙ୍କରେ ଲାଗିଛି ଭାରତର ଜାତୀୟ ପତାକା। ଏହି ସୁନ୍ଦର ଟ୍ୟାଙ୍କଟିକୁ ତିଆରି କରିଛନ୍ତି ଓଡ଼ିଶାର ଶାଶ୍ୱତ ରଞ୍ଜନ ସାହୁ।
ପୁରୀରେ ରହୁଥିବା ଶାଶ୍ୱତଙ୍କୁ ଏହି ଟ୍ୟାଙ୍କ ତିଆରି କରିବାକୁ ଲାଗିଥିଲା ୬ ଦିନ। ଏଥିରେ ୨୨୫୬ଟି ଦିଆସିଲି କାଠି ବ୍ୟବହାର କରାଯାଇଛି। ଟ୍ୟାଙ୍କଟିର ଉଚ୍ଚତା ୯ ଇଞ୍ଚ ହୋଇଥିବା ବେଳେ ଚଉଡ଼ା ୮ ଇଞ୍ଚ। ଭାରତୀୟ ସେନାର ବୀର ଯବାନଙ୍କ ଉଦ୍ଦେଶ୍ୟରେ ଏହି ଟ୍ୟାଙ୍କକୁ ଉତ୍ସର୍ଗ କରିଛନ୍ତି ଶାଶ୍ୱତ।
କେବଳ ଏହି ଟ୍ୟାଙ୍କ ନୁହେଁ, ପୂର୍ବରୁ ଦିଆସିଲି କାଠିରେ ଅନେକ କଳାକୃତି ତିଆରି କରି ପ୍ରଶଂସିତ ହୋଇଛନ୍ତି ଶାଶ୍ୱତ। ନିକଟରେ ନୂଆ ବର୍ଷ ଅବସରରେ ଦିଆସିଲି କାଠିରେ ସେ ମହାପ୍ରଭୁ ଜଗନ୍ନାଥଙ୍କ ନାଗାର୍ଜୁନ ବେଶ ତିଆରି କରି ଓଡ଼ିଶାର ରାଜ୍ୟପାଳଙ୍କୁ ଭେଟି ଦେଇଥିଲେ। ଏହି କଳାକୃତିଟିର ଫଟୋ ସୋଶାଲ୍ ମିଡିଆରେ ଭାଇରାଲ୍ ମଧ୍ୟ ହୋଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
