ଭୁବନେଶ୍ୱର(ଓଡ଼ିଶା ରିପୋର୍ଟର):ପୌରାଣିକ ଧାରାବାହିକ ‘ରାମାୟଣ’ରେ ମାତା ସୀତାଙ୍କ ଚରିତ୍ରରେ ନିଖୁଣ ଅଭିନୟ କରି ଖୁବ୍ ଲୋକପ୍ରିୟ ହୋଇପାରିଥିଲେ ଦୀପିକା ଚିଖାଲିଆ। ୧୯୮୭-୮୮ ମଧ୍ୟରେ ବେଶ ଲୋକପ୍ରିୟ ହୋଇପାରିଥିବା ଏହି ଧାରାବାହିକରେ ଦୀପିକାଙ୍କ ଅଭିନୟ ଯାଦୁର ପଟାନ୍ତର ନାହିଁ। ଏମିତିକି ଲୋକେ ସେତେବେଳେ ଦୀପିକାଙ୍କୁ ପୂଜା କରୁଥିଲେ। ଦୀପିକାକଙ୍କୁ ଏବେ ୫୩ ବର୍ଷ ଛୁଇଁଲାଣି। ୨୯ ଏପ୍ରିଲ୍ ୧୯୬୫ରେ ମୁମ୍ବାଇରେ ଜନ୍ମଗ୍ରହଣ କରିଥିବା ଦୀପିକା ରାମାୟଣ ସିରିଏଲରେ ଅଭିନୟ କରିବା ପୂର୍ବରୁ କେତେକ ସିନେମାରେ କାମ କରିଥିଲେ।
ତେବେ ରାମାୟଣ ସିରିଏଲ୍ରେ ସୀତାଙ୍କ ଭୂମିକାରେ ଅଭିନୟ କରିଥିବା ଅଭିନେତ୍ରୀ ଏବେ କେମିତି ଅଛନ୍ତି ଓ କ’ଣ କରୁଛନ୍ତି ଜାଣିଛନ୍ତି କି? ଆଜି ଆସନ୍ତୁ ତାଙ୍କ ବିଷୟରେ କିଛି ଖାସ୍ କଥା ଜାଣିବୁ। ୧୯୮୬ରେ ଭଗବାନ ଦାଦା, ୧୯୮୭ରେ ରାତ୍କେ ଅନ୍ଧେରେ ମେଁ, ୧୯୯୪ରେ ଖୁଦାଇ ଆଦି ଫିଲ୍ମରେ କାମ କରିଥିଲେ ଦୀପିକା। ହେଲେ ତାଙ୍କ ଅଭିନୀତ 'ରାମାୟଣ' ସାରା ବିଶ୍ୱରେ ଏକ ସ୍ୱତନ୍ତ୍ର ପରିଚୟ ସୃଷ୍ଟି କରି ପାରିଥିଲା।
ଦୀପିକା ହେମନ୍ତ ଟିପିୱାଲାଙ୍କୁ ବିବାହ କରିଛନ୍ତି। ଶୃଙ୍ଗାର ବିନ୍ଦି ଏବଂ ଟିପ୍ସ ଆଣ୍ଡ ଟୋଜ୍ ନେଲପଲିସିର ମାଲିକ ଅଛନ୍ତି ହେମନ୍ତ ଟୀପିୱାଲା। ସେହି କମ୍ପାନୀରେ ଦୀପିକା ମାର୍କେଟିଂ ଟିମ୍ ମୁଖ୍ୟ ଅଛନ୍ତି। ଦୀପିକାଙ୍କର ୨ ଜଣ ଝିଅ ଅଛନ୍ତି।