ଡିସେମ୍ବର ହେଉଛି ବର୍ଷର ଶେଷ ମାସ। ବର୍ଷର ଶେଷ ମାସରେ, ବର୍ଷର ଶେଷ ବଡ ପର୍ବ ଆସେ, ଯାହାକୁ ଲୋକମାନେ ବର୍ଷସାରା ଅପେକ୍ଷା କରନ୍ତି। ଡିସେମ୍ବର ମାସ ନିକଟତର ହେବା ସହ ଲୋକଙ୍କ ଅପେକ୍ଷା ଶେଷ ହେବାକୁ ଲାଗେ। ପ୍ରତିବର୍ଷ ୨୫ ଡିସେମ୍ବରରେ ଖ୍ରୀଷ୍ଟମାସ ଦିବସ ପାଳନ କରାଯାଏ। ଅଧିକାଂଶ ଛୋଟ ପିଲାମାନେ ଖ୍ରୀଷ୍ଟମାସ ଦିବସକୁ ଅପେକ୍ଷା କରି ରହିଥାନ୍ତି। ପ୍ରଭୁ ଯୀଶୁଙ୍କ ଜନ୍ମଦିନ ଅବସରରେ ଏହି ବିଶେଷ ପର୍ବ ପାଳନ ହୁଏ, ଯେଉଁଥିରେ ସାଣ୍ଟା କ୍ଲଜ୍ ପିଲାମାନଙ୍କ ପାଇଁ ଉପହାର ଆଣିଥାନ୍ତି। ଏହି ଅବସରରେ ଲୋକମାନେ ପରସ୍ପରକୁ 'ମେରୀ ଖ୍ରୀଷ୍ଟମାସ' କହି ଅଭିବାଦନ ଜଣାନ୍ତି। ତେବେ ହାପି ଖ୍ରୀଷ୍ଟମାସ ବଦଳରେ ମେରୀ ଖ୍ରୀଷ୍ଟମାସ କାହିଁକି କୁହାଯାଏ।
ମେରୀ ଅର୍ଥ ଆନନ୍ଦିତ ବା ଖୁସି। 'ମେରୀ'ଟି ଶବ୍ଦ ଜର୍ମାନିକ୍ ଏବଂ ଓଲ୍ଡ ଇଂଲିଶକୁ ମିଶାଇ ତିଆରି ହୋଇଛି। ସରଳ ଭାଷାରେ କହିବାକୁ ଗଲେ ମେରୀର ଅର୍ଥ ଏବଂ ଖୁସିର ଅର୍ଥ ଗୋଟିଏ ହିଁ ହୋଇଥାଏ। କିନ୍ତୁ ଖ୍ରୀଷ୍ଟମାସରେ, ହାପି ବଦଳରେ ମେରୀ ଶବ୍ଦ ବ୍ୟବହୃତ ହୁଏ।
ମେରି ଶବ୍ଦଟି ପ୍ରସିଦ୍ଧ ସାହିତ୍ୟିକ ଚାର୍ଲ୍ସ ଡିକେନ୍ସଙ୍କ ଦ୍ୱାରା ପ୍ରଚାର ହୋଇଥିଲା। ସେ ତାଙ୍କ ବହି ' ଏ ଖ୍ରୀଷ୍ଟମାସ କ୍ୟାରୋଲ'ରେ 'ମେରୀ' ଶବ୍ଦକୁ ସର୍ବାଧିକ ବ୍ୟବହାର କରିଥିଲେ, ଯାହାପରେ 'ହାପି' ବଦଳରେ ଖ୍ରୀଷ୍ଟମାସରେ 'ମେରୀ' ଶବ୍ଦ ବ୍ୟବହାର କରାଗଲା। ଏହାପୂର୍ବରୁ ଲୋକମାନେ ହାପି ଖ୍ରୀଷ୍ଟମାସ କହୁଥିଲେ। ଇଂଲଣ୍ଡରେ ଆଜି ବି ଅନେକ ଲୋକ ମେରୀ ବଦଳରେ ହାପି ଖ୍ରୀଷ୍ଟମାସ କୁହନ୍ତି। ଉଭୟ ଶବ୍ଦ ଠିକ୍ କିନ୍ତୁ 'ମେରୀ' ଶବ୍ଦଟି ଅଧିକ ପ୍ରଚଳିତ। ଅଧିକାଂଶ ଲୋକେ ମେରୀ ଖ୍ରୀଷ୍ଟମାସ ହିଁ କୁହନ୍ତି।
୧୬ତମ ଶତାବ୍ଦୀରେ ପ୍ରଥମେ 'ମେରୀ' ଶବ୍ଦଟି ଆସିଥିଲା। ପରେ ୧୮ ଏବଂ ୧୯ତମ ଶତାବ୍ଦୀରେ ଖ୍ରୀଷ୍ଟମାସରେ 'ହାପି' ବଦଳରେ ମେରୀ ଶବ୍ଦକୁ ଅଧିକ ବ୍ୟବହାର କରାଗଲା। କିନ୍ତୁ ଖ୍ରୀଷ୍ଟମାସ ବ୍ୟତୀତ ଅନ୍ୟ କୌଣସି ପର୍ବରେ 'ମେରୀ' ଶବ୍ଦ କେବେ ପ୍ରୟୋଗ କରାଯାଉନଥିଲା।