ସଂସଦ ସୁରକ୍ଷାରେ ତ୍ରୁଟି ମାମଲାରେ ବିଜେପି ସାଂସଦ ପ୍ରତାପ ସିମ୍ହା ଏକ ବଡ଼ ବୟାନ ଦେଇଛନ୍ତି। ସେ କହିଛନ୍ତି, ୨୦୨୪ ଲୋକସଭା ନିର୍ବାଚନ ସମୟରେ ସେ ଦେଶପ୍ରେମୀ ନା ଦେଶଦ୍ରୋହୀ ତାହା ଲୋକମାନେ ଶେଷରେ ସ୍ଥିର କରିବେ। ଏହି ଘଟଣା ଓ ତଦନ୍ତ ସମ୍ପର୍କରେ କିଛି କହିବାକୁ ଚାହୁଁନଥିବାରୁ ତାଙ୍କ ବିରୋଧରେ ଆସିଥିବା ଦେଶଦ୍ରୋହୀ ଅଭିଯୋଗ ଉପରେ ନିଷ୍ପତ୍ତି ନେବା ଭଗବାନ ଓ ତାଙ୍କ ପାଠକ ପ୍ରଶଂସକଙ୍କ ଉପରେ ଛାଡ଼ିଦେବ ବୋଲି ସେ କହିଛନ୍ତି।
ଗତ ଡିସେମ୍ବର ୧୩ ତାରିଖରେ ଲୋକସଭା ଗ୍ୟାଲେରୀରୁ ପ୍ରକୋଷ୍ଠକୁ ଡେଇଁ ପଡିଥିଲେ ଦୁଇ ଯୁବକ। ଯେଉଁମାନେ କି ସଂପୃକ୍ତ ସାଂସଦଙ୍କ ପାସ୍ରେ ଲୋକସଭା ଗ୍ୟାଲେରୀକୁ ଯାଇଥିଲେ। ଡେଇଁ ପଡ଼ିବା ପରେ କେନ୍ରେ ହଳଦିଆ ଧୂଆଁ ସ୍ପ୍ରେ କରିଥିଲେ। ଏହି ମାମଲାରେ ତଦନ୍ତ ଜୋରଦାର ଚାଲିଥିବା ବେଳେ ବିଜେପି ସାଂସଦ ପ୍ରତାପଙ୍କ କାର୍ଯ୍ୟକଳାପକୁ ନେଇ ଉଠିଛି ପ୍ରଶ୍ନ।
ସାଂସଦ କହିଛନ୍ତି, ମହୀଶୂର ପାହାଡ଼ରେ ବସିଥିବା ମା' ଦେବୀ ଚାମୁଣ୍ଡେଶ୍ୱରୀ, ବ୍ରହ୍ମଗିରିରେ ବସିଥିବା ମା' ଦେବୀ କାବେରୀ, ଗତ ୨୦ ବର୍ଷ ଧରି ମୋର ଲେଖା ପଢ଼ୁଥିବା କର୍ଣ୍ଣାଟକରେ ମୋର ପାଠକ ପ୍ରଶଂସକ, ୯.୫ ବର୍ଷ ଧରି ମୋ ଲେଖା ଦେଖିଥିବା ମହୀଶୂର ଓ କୋଡୁର ଲୋକମାନେ ମୋର ନିର୍ଣ୍ଣୟ କରିବେ। ଦେଶ ସମ୍ବନ୍ଧୀୟ ପ୍ରସଙ୍ଗରେ ମୋର ଆଚରଣ, ଧର୍ମ ଏବଂ ଜାତୀୟତାବାଦ ବାବଦରେ ଏପ୍ରିଲ ୨୦୨୪ରେ ହେବାକୁ ଥିବା ଲୋକସଭା ନିର୍ବାଚନରେ ଭୋଟ୍ ମାଧ୍ୟମରେ ଲୋକମାନେ ରାୟ ଦେବେ।
ତାଙ୍କୁ ଦେଶଦ୍ରୋହୀ ବୋଲି କହି ଲଗାଯାଇଥିବା ପୋଷ୍ଟର ସମ୍ପର୍କିତ ଏକ ପ୍ରଶ୍ନର ଉତ୍ତରରେ ସେ ଆହୁରି କହିଛନ୍ତି, 'ଲୋକମାନେ ହିଁ ଶେଷରେ ରାୟ ଦେବେ। ମୁଁ ଦେଶପ୍ରେମୀ କି ନୁହଁ ସେମାନେ ନିଷ୍ପତ୍ତି ନେବେ। ମୁଁ ଏହା ସେମାନଙ୍କ ନିଷ୍ପତ୍ତି ଉପରେ ଛାଡ଼ି ଦେଉଛି। ଏହା ବ୍ୟତୀତ ମୋର ଆଉ କିଛି କହିବାର ନାହିଁ।'
ସଂସଦ ସୁରକ୍ଷାରେ ତ୍ରୁଟି ଘଟଣା ପରେ କଂଗ୍ରେସ ଓ କିଛି ସଂଗଠନ ଉକ୍ତ ବିଜେପି ସାଂସଦଙ୍କ ବିରୋଧରେ ବିକ୍ଷୋଭ ପ୍ରଦର୍ଶନ କରୁଛନ୍ତି। ଏହି ଘଟଣା ଏବଂ ପୁଲିସ ତାଙ୍କ ବୟାନ ରେକର୍ଡ କରିଛି କି ବୋଲି ପଚରାଯିବାରୁ ବିଜେପି ସାଂସଦ କେବଳ କହିଥିଲେ, "ମୋତେ ଯାହା କରିବାକୁ ପଡିବ ମୁଁ କହିଛି। ଏ ନେଇ ମୋର ଆଉ କିଛି କହିବାର ନାହିଁ।
ସଂସଦ ସୁରକ୍ଷା ଉଲ୍ଲଂଘନ ମାମଲାର ତଦନ୍ତର ଏକ ଅଂଶ ଭାବରେ ସିମହାଙ୍କ ବୟାନ ରେକର୍ଡ କରାଯାଇଥିବା ନେଇ ସଂସଦୀୟ ବ୍ୟାପାର ମନ୍ତ୍ରୀ ପ୍ରହ୍ଲାଦ ଯୋଶୀ ଶୁକ୍ରବାର କହିଛନ୍ତି।
ଉଲ୍ଲେଖଯୋଗ୍ୟ, ସାମ୍ବାଦିକରୁ ରାଜନେତା ପାଲଟିଥିବା ସିମହା ମହୀଶୂର-କୋଡାଗୁ ଲୋକସଭା ନିର୍ବାଚନ ମଣ୍ଡଳୀରୁ ଦୁଇ ଥର ବିଜେପି ଲୋକସଭା ସଦସ୍ୟ ଅଛନ୍ତି।