ପିପିଲି ବ୍ଲକ୍ ହାଟସାହି ପଞ୍ଚାୟତ ଦାନଗୋହିର ଗାଁର ୧୦୦ରୁ ଅଧିକ ମୁସଲିମ୍ ଭୋଟର ବିଜେପିରେ ସାମିଲ ହୋଇଛନ୍ତି। ଶନିବାର ସନ୍ଧ୍ୟାରେ ହାଟସାହି ପଞ୍ଚାୟତର ନାଏବ ସରପଞ୍ଚ ତାଜଉଦ୍ଦିନ, ୨ ନମ୍ବର ୱାର୍ଡର ୱାର୍ଡ ମେମ୍ବର ମହମ୍ମଦ ମୁଜାହିଦ ଓ ଅନେକ ମୁରବି ଶ୍ରେଣୀର ନେତୃତ୍ୱଙ୍କ ସମେତ ୧୦୦ରୁ ଅଧିକ ଭୋଟର ବିଜେପି ପ୍ରାର୍ଥୀ ଆଶ୍ରିତ ପଟ୍ଟନାୟକ ସହିତ ହାତ ମିଳାଇଛନ୍ତି।
ଆଶ୍ରିତ ପଟ୍ଟନାୟକ ସମସ୍ତଙ୍କୁ ବିଜେପି ଉତ୍ତରୀୟ ପ୍ରଦାନ କରି ଦଳରେ ସାମିଲ କରାଇଛନ୍ତି। ମୁସଲମାନ ଭାଇ ଓ ଭଉଣୀଙ୍କର ଯେଉଁ ଭଲ ପାଇବା ମିଳୁଛି, ଏଥିରୁ ସ୍ପଷ୍ଟ ହେଉଛି ଆଗାମୀ ନିର୍ବାଚନରେ ଭାରତୀୟ ଜନତା ପାଟିର ବିଜୟ ହେବ ବୋଲି ଆଶ୍ରିତ ପଟ୍ଟନାୟକ କହିଛନ୍ତି।
ବିଜେପିରେ ମିଶିବା ପରେ ନାଏବ ସରପଞ୍ଚ ଓ ୱାର୍ଡ ମେମ୍ବର କହିଛନ୍ତି, ଆଗାମୀ ଦିନରେ ଦାନଗହୀରର ବିକାଶ ହେବ। ଆଉ ବିଜେପି ପ୍ରାର୍ଥୀ ଏଠାରୁ ନିଶ୍ଚିତ ବିଜୟୀ ହେବେ ବୋଲି ଉଭୟ ନେତା କହିଛନ୍ତି।
ରିପୋର୍ଟ- ଦ୍ୱିତୀକୃଷ୍ଣ ପଟ୍ଟନାୟକ