ଭୁବନେଶ୍ୱର(ଓଡ଼ିଶା ରିପୋର୍ଟର): ୪ର୍ଥ ତଥା ଓଡ଼ିଶାର ଭୋଟ ମହାପର୍ବର ଅନ୍ତିମ ପର୍ଯ୍ୟାୟ ପାଇଁ ଆଜି ସରୁଛି ନିର୍ବାଚନ ପ୍ରଚାର। କେନ୍ଦ୍ରାପଡା, ଜଗତ୍ସିଂହପୁର, ମୟୂରଭଞ୍ଜ, ବାଲେଶ୍ୱର, ଭଦ୍ରକ ଓ ଯାଜପୁର ଲୋକସଭା ଆସନ ପାଇଁ ଏହି ପର୍ଯ୍ୟାୟରେ ନିର୍ବାଚନ ଅନୁଷ୍ଠିତ ହେବାକୁ ଥିବା ବେଳେ ଅନେକ ହେଭିୱେଟଙ୍କ ଭାଗ୍ୟ ନିର୍ଦ୍ଧାରଣ ହେବ ଏହି ପାଳିରେ। ତେବେ ଆସନ୍ତୁ ଅଳ୍ପରେ ଜାଣିବା ଏହି ପାଳି ନିର୍ବାଚନ ସମ୍ପର୍କରେ।
- ଶନିବାର ସନ୍ଧ୍ୟା ୬ଟାରେ ସରିବ ନିର୍ବାଚନ ପ୍ରଚାର।
- ୪୮ ଘଣ୍ଟାର ନୀରବତା ପରେ ସୋମବାର ସକାଳୁ ଆରମ୍ଭ ହେବ ମତଦାନ।
- ୫୫ ଜଣ ଲୋକସଭା ପ୍ରାର୍ଥୀ ଓ ୩୪୬ ଜଣ ବିଧାନସଭା ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ ହେବ।
- ପ୍ରତିଦ୍ୱନ୍ଦ୍ୱିତା କରୁଥିବା ପ୍ରାର୍ଥୀଙ୍କ ମଧ୍ୟରେ ୩୧୧ ପୁରୁଷ, ୩୪ ମହିଳା ଓ ଜଣେ କିନ୍ନର ଅଛନ୍ତି।
- ୧୦ ହଜାର ୭୯୨ ବୁଥ୍ରେ ହେବ ମତଦାନ।
- ମତାଧିକାର ସାବ୍ୟସ୍ତ କରିବେ ୯୫ ଲକ୍ଷ ୧୪,୮୮୩ ଜଣ ନାଗରିକ।
- ମତଦାତାଙ୍କ ମଧ୍ୟରେ ୪୯ ଲକ୍ଷ ୮ ହଜାର ୫୭୫ ଜଣ ପୁରୁଷ, ୪୬ଲକ୍ଷ ୫ ହଜାର ୬୯୪ ମହିଳା ଓ ୬୧୫ ଜଣ କିନ୍ନର ଅଛନ୍ତି।
କେଉଁ ନିର୍ବାଚନ ମଣ୍ଡଳୀରେ ହେଉଛି ଭୋଟ
- ମୟୂରଭଞ୍ଜ ଲୋକସଭା ସହ ଏହା ଅଧିନରେ ଥିବା ଯଶିପୁର, ସାରସକଣା, ରାଇରଙ୍ଗପୁର, ବାଙ୍ଗିରପୋଷି, ଉଦଳା, ବାରିପଦା ଓ ମୋରଡା ବିଧାନସଭା ପାଇଁ ମତଦାନ ହେବ।
- ବାଲେଶ୍ୱର ଲୋକସଭା ଆସନ ସହ ଏହା ଅଧିନରେ ଥିବା ବଡ଼ସାହି, ଜଳେଶ୍ୱର, ଭୋଗରାଇ, ବସ୍ତା, ବାଲେଶ୍ୱର, ରେମୁଣା, ନୀଳଗିରୀ ବିଧାନସଭା ପାଇଁ ହେବ ମତଦାନ।
- ଭଦ୍ରକ ଲୋକସଭା ଆସନ ସମେତ ଏହା ଅଧିନରେ ଥିବା ସୋର, ସିମୁଳିଆ, ଭଣ୍ଡାରିପୋଖରୀ, ଭଦ୍ରକ, ବାସୁଦେବପୁର, ଧାମନଗର ଓ ଚାନ୍ଦବାଲି ବିଧାନସଭା ପାଇଁ ହେବ ଭୋଟ୍।
- ଯାଜପୁର ଲୋକସଭା ଆସନ ସମେତ ବିଞ୍ଝାରପୁର, ବରୀ, ବଡ଼ଚଣା, ଧର୍ମଶାଳା, ଯାଜପୁର, କୋରେଇ, ସୁକିନ୍ଦା ବିଧାନସଭା ନିର୍ବାଚନ ପାଇଁ ମଧ୍ୟ ଆଜି ସନ୍ଧ୍ୟାରେ ସରୁଛି ପ୍ରଚାର।
- କେନ୍ଦ୍ରାପଡା ଲୋକସଭା ଆସନ ସହ ସାଲେପୁର, ମାହାଙ୍ଗା, ପାଟକୁରା, କେନ୍ଦ୍ରାପଡା, ଆଳି, ରାଜନଗର, ମହାକାଳପଡା ବିଧାନସଭା ପାଇଁ ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ ହେବ ଏହି ପର୍ଯ୍ୟାୟରେ।
- ଜଗତ୍ସିଂହପୁର ଲୋକସଭା ଆସନ ଓ ଏହା ଅଧିନରେ ଥିବା ପାରାଦୀପ, ତିର୍ତୋଲ, ବାଲିକୁଦା-ଏରସମା, ଜଗତ୍ସିଂହପୁର, କାକଟପୁର ଓ ନିମାପଡ଼ା ଆସନ ପାଇଁ ଭୋଟ୍ ହେବ।