Mood of the Nation: ଦିଲ୍ଲୀରେ ମୂଳପୋଛ କରିବେ ମୋଦି, ଜଳକା ହେବେ କେଜ୍ରିୱାଲ

ଆସନ୍ତା ଲୋକସଭା ନିର୍ବାଚନରେ ବିଜେପି ଦେଶର ରାଜଧାନୀ ଦିଲ୍ଲୀରେ କ୍ଲିନ ସୁଇପ କରିବ। ଦିଲ୍ଲୀର ସମସ୍ତ ୭ ଲୋକସଭା ଆସନରେ ବିଜେପି ଜିତିବ ବୋଲି Mood of the Nation ସର୍ଭେରେ ଦାବି କରାଯାଇଛି।

ଦିଲ୍ଲୀରେ ଆପ୍‌ କ୍ରମାଗତ ଦୁଇ ଥର ସରକାର ଗଠନ କରିଛି। ଏଥିର ଦଳ ଲୋକସଭାର କିଛି ଆସନ ଜିତିବ ବୋଲି ଲକ୍ଷ୍ୟ ରଖିଛି। କିନ୍ତୁ Mood of the Nation ସର୍ଭେ ରିପୋର୍ଟ ଆପ୍‌କୁ ଝଟକା ଦେଇଛି।

ସର୍ଭେ ରିପୋର୍ଟରେ କୁହାଯାଇଛି ଯେ ବିଜେପି ୨୦୧୯ ଭଳି ଏଥର ମଧ୍ୟ ୫୭% ଭୋଟ ଭାଗ ସହ ସମସ୍ତ ୭ଟି ଯାକ ଲୋକସଭା ଆସନ ଜିତିବ। ଦିଲ୍ଲୀରେ କଂଗ୍ରେସ ଓ ଆପ୍ ଇଣ୍ଡିଆ ବ୍ୟାନରେ ଲଢ଼ିବାକୁ ସଜବାଜ ହେଉଛନ୍ତି। ତଥାପି ଏମାନେ ଗୋଟିଏ ହେଲେ ବି ଆସନ ଜିତି ପାରିବେ ନାହିଁ। ଦୁଇ ଦଳର ଭୋଟ ଭାଗ ୪୦% ରହିବ।

ଯଦି ୨୦୧୯ ନିର୍ବାଚନକୁ ଦେଖିବା ତା’ହେଲେ ବିଧାନସଭା ରେଜଲ୍ଟର ବିପରୀତ ସ୍ଥିତି ଦେଖିବାକୁ ମିଳିଥିଲା। ୨୦୧୫ ଓ ୨୦୨୦ ଦିଲ୍ଲୀ ବିଧାନସଭା ନିର୍ବାଚନରେ ଆପ୍‌ ଏକତରଫା ବିଜୟ ହାସଲ କରିଥିଲା। କିନ୍ତୁ ଲୋକସଭା ନିର୍ବାଚନରେ ଦଳର ଭୋଟ ଭାଗ ଆଶତୀତ ଭାବେ କମି ଥିଲା।

ଦଳ ଗୋଟିଏ ହେଲେ ବି ଲୋକସଭା ଆସଜନ ଜିତି ପାରି ନଥିଲା। ଏବେ କଂଗ୍ରେସ ସହ ମିଶି ଆପ୍‌ ଅତିକମରେ ଗୋଟିଏ ଆସନ ଜିତିବାକୁ ଲକ୍ଷ୍ୟ ରଖିଛି।