ସମାଜବାଦୀ ପାର୍ଟିର ମୁଖ୍ୟ ଅଖିଲେଶ ଯାଦବ ବିଧାୟକ ପଦରୁ ଇସ୍ତଫା ଦେବେ। ୨୦୨୨ ଉତ୍ତର ପ୍ରଦେଶ ବିଧାନସଭା ନିର୍ବାଚନରେ ସେ କରହାଲ ଆସନରୁ ବିଜୟୀ ହୋଇଥିଲେ। ଏହାପରେ ଗୃହରେ ସେ ବିରୋଧୀ ଦଳ ନେତା ଭାବେ କାର୍ଯ୍ୟ କରୁଥିଲେ।
କିନ୍ତୁ ନିକଟରେ ଶେଷ ହୋଇଥିବା ଲୋକସଭା ନିର୍ବାଚନରେ ମଧ୍ୟ ସେ କନୌଜ ଆସନରୁ ବିଜୟୀ ହୋଇଛନ୍ତି। ସେ ସାଂସଦ ଭାବେ ନିର୍ବାଚିତ ହୋଇଥିବାରୁ ବିଧାୟକ ପଦ ଛାଡ଼ିବାକୁ ନିଷ୍ପତ୍ତି ନେଇଛନ୍ତି।
Also Read
ଅଖିଲେଶ ବିରୋଧୀ ଦଳ ନେତା ପଦରୁ ଇସ୍ତଫା ଦେବାକୁ ଯାଉଥିବାରୁ କିଏ ଏହି ଦାୟିତ୍ୱ ନେବେ ତାକୁ ନେଇ ଚର୍ଚ୍ଚା ଆରମ୍ଭ ହୋଇଯାଇଛି। ଏଯାଏ ସପା ପକ୍ଷରୁ କାହାର ନାଁ ଘୋଷଣା କରାଯାଇନି। କିନ୍ତୁ ସୂତ୍ର ଅନୁସାରେ ଅଖିଲେଶ ଯାଦବ ସମ୍ଭବତଃ ଶିବପାଲ ଯାଦବଙ୍କୁ ବିରୋଧୀ ଦଳ ନେତା ଭାବେ ବାଛି ପାରନ୍ତି। କାରଣ ଶିବପାଲ ବର୍ତ୍ତମାନ ଦଳରେ ସବୁଠାରୁ ବରିଷ୍ଠ ନେତା।
ଯାଦବ ପରିବାର ଗଡ଼ ଭାବେ ପରିଚିତ କନୌଜ ଲୋକସଭା ଆସନରେ ଅଖିଲେଶ ବିଜେପି ସାଂସଦ ସୁବ୍ରତ ପାଠକଙ୍କୁ ୧ ଲକ୍ଷରୁ ଅଧିକ ଭୋଟରେ ପରାସ୍ତ କରିଛନ୍ତି। ଅଖିଲେଶଙ୍କୁ ଏଠାରେ ୬,୪୨,୨୯୨ ଖଣ୍ଡ ଭୋଟ ମିଳିଛି।
କନୌଜ ଲୋକସଭା ଆସନରେ ସପା ପ୍ରଥମେ ତେଜ ପ୍ରତାପ ଯାଦବଙ୍କୁ ଟିକେଟ ଦେଇଥିଲା। ହେଲେ ଏହାକୁ ନେଇ କର୍ମୀମାନେ ଅସନ୍ତୋଷ ପ୍ରକାଶ କରିଥିଲେ। ତେଣୁ ଶେଷ ମୁହୂର୍ତ୍ତରେ ଅଖିଲେଶ ଯାଦବ ଏହି ଆସନରୁ ନାମାଙ୍କନ ଦାଖଲ କରିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
