ମୋହୁଆ ମୋଇତ୍ରଙ୍କୁ ଲୋକସଭା ସଦସ୍ୟ ପଦରୁ ବହିଷ୍କାର କରାଯିବା ପରେ ସରଗରମ ହୋଇଯାଇଛି ରାଜନୀତି। ମୋହୁଆଙ୍କ ବହିଷ୍କାରକୁ ନେଇ ବିଭିନ୍ନ ଲୋକେ ଭିନ୍ନ ଭିନ୍ନ ମତ ଦେଉଛନ୍ତି। ଏହାରି ମଧ୍ୟରେ ନିଜସ୍ୱ ମତ ରଖିଛନ୍ତି ସାଂସଦ ଅପରାଜିତା ଷଡଙ୍ଗୀ।
ଏଥିକ୍ସ କମିଟି ସଦସ୍ୟ ତଥା ବିଜେପି ସାଂସଦ ଅପରାଜିତା ଷଡଙ୍ଗୀ କହିଛନ୍ତି, "ମୋହୁଆ ସଂସଦର ନିୟମ ଉଲ୍ଲଙ୍ଘନ କରିବାରୁ ତାଙ୍କୁ ଏଥିକ୍ସ କମିଟି ବହିଷ୍କାର କରିଛି। ଏହା ଆଦୌ ମହିଳା ବିରୋଧୀ କାର୍ଯ୍ୟ ନୁହେଁ। ମୁଁ ମଧ୍ୟ ଜଣେ ମହିଳା, ମୁଁ ମଧ୍ୟ ମହିଳାଙ୍କ ଅଧିକାର ଉପରେ ସ୍ୱର ଉତ୍ତୋଳନ କରେ। ଏହାର ଅର୍ଥ ନୁହେଁ ଯେ, ଜଣେ ମହିଳା ନିଜ ପଦ ପଦବୀର ଦୂରୁପୋଯୋଗ କରିବ।
#WATCH | Bhubaneswar: Ethics Committee member & BJP MP Aparajita Sarangi says, "Anybody at this juncture who stands by Mahua Moitra is not standing by her, the person or the institution is standing by unethical conduct and non-observance of Parliamentary procedures. Whatever is… pic.twitter.com/qxAyYVcpCe
— ANI (@ANI) December 9, 2023
ମୋହୁଆ ନିଜର ସଂସଦ ଲଗ୍-ଇନ୍ ଆଇଡି-ପାସୱାର୍ଡକୁ ବାରମ୍ବାର ଦୁବାଇରେ ଓପନ୍ କରିଛନ୍ତି, ଯାହା ସମ୍ପୂର୍ଣ୍ଣ ରୂପେ ଲୋକସଭା ନିୟମର ଉଲ୍ଲଙ୍ଘନ, ଏହା ଅନୈତିକ। ଯେଉଁମାନେ ବି ମୋହୁଆଙ୍କ ସହ ଛିଡା ହେଉଛନ୍ତି, ସେ ବ୍ୟକ୍ତି ହୁଅନ୍ତୁ ଅବା ଅନୁଷ୍ଠାନ ସେମାନେ ଅନୈତିକ ଆଚରଣର ସାଥ୍ ଦେଉଛନ୍ତି, ସେମାନେ ସଂସଦୀୟ ପଦ୍ଧତିର ସଠିକ୍ ଅନୁସରଣ କରୁନାହାଁନ୍ତି ବୋଲି ସାଂସଦ ଷଡଙ୍ଗୀ କହିଛନ୍ତି।
ଏଥିସହ ସେ ଆହୁରି କହିଛନ୍ତି, ସୋନିଆ ଗାନ୍ଧିଙ୍କ ସମେତ ଯେଉଁମାନେ ମୋହୁଆଙ୍କ ସାଥ୍ ଦେଉଛନ୍ତି, ସେମାନେ ରାଜନୈତିକ ଏଜେଣ୍ଡା ତିଆରି କରୁଛନ୍ତି। ସେମାନେ ମୋହୁଆଙ୍କ ସାଥ୍ ନୁହେଁ, ଅନୈତିକ ଆଚରଣର ସାଥ୍ ଦେଉଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
