ଆନ୍ଧ୍ରରେ ଫେରିଲା TDP! '୯ରେ ଶପଥ ନେବେ ଚନ୍ଦ୍ରବାବୁ ନାଇଡୁ'

ଏନ ଚନ୍ଦ୍ରବାବୁ ନାଇଡୁଙ୍କ ତେଲୁଗୁ ଦେଶମ ପାର୍ଟି (TDP) ଆନ୍ଧ୍ରପ୍ରଦେଶରେ ଗଢିବାକୁ ଯାଉଛି ସରକାର। ବର୍ତ୍ତମାନ ସୁଦ୍ଧା ନିର୍ବାଚନ ଆୟୋଗଙ୍କ ପକ୍ଷରୁ ଫଳାଫଳ ଘୋଷଣା ହୋଇନଥିଲେ ମଧ୍ୟ ଲିଡରେ ରହିଛି ଟିଡିପି। ଏଥିସହ ବିଜେପି, ଟିଡିପି ଓ ଜେଏସପି ଆଲାଏନ୍ସ ୧୫୧ ଆସନରେ ଆଗୁଆ ରହିଛି।

୧୭୫ ଆସନ ବିଶିଷ୍ଟ ଆନ୍ଧ୍ରପ୍ରଦେଶ ବିଧାନସଭାରେ ଏନଡିଏ ଲିଡ୍ କରିବା ସହ ଏକାଧିକ ଆସନରୁ ବିଜୟ ହାସଲ କରି  ସାରିଛି। ସେପଟେ ଚନ୍ଦ୍ରବାବୁ ନାଇଡୁ ମଧ୍ୟ କୁପମ୍ ଆସନରୁ ଆଗରେ ଅଛନ୍ତି। 

ଏହାକୁ ଦୃଷ୍ଟିରେ ରଖି ଦଳ ଏକ ପ୍ରକାର ସରକାର ଗଢିବା ସ୍ପଷ୍ଟ ହୋଇଯାଇଛି। ଏହାକୁ ଦୃଷ୍ଟିରେ ରଖି ଦଳ ପକ୍ଷରୁ ସରକାର ଗଢିବା ନେଇ ମଧ୍ୟ ଘୋଷଣା ସରିଲାଣି।

ଆସନ୍ତା ୯ରେ ଚନ୍ଦ୍ରବାବୁ ନାଇଡୁ ମୁଖ୍ୟମନ୍ତ୍ରୀ ଭାବେ ଶପଥ ନେବାକୁ ଯାଉଛନ୍ତି ବୋଲି ଦଳ ପକ୍ଷରୁ ଘୋଷଣା କରାଯାଇଛି। ଏଥିସହ ଶପଥ ଉତ୍ସବରେ ମଧ୍ୟ ନରେନ୍ଦ୍ର ମୋଦି ଯୋଗ ଦେବେ ବୋଲି କୁହାଯାଇଛି। ସେହିପରି ୨୫ ଲୋକସଭା ଆସନରୁ ଟିଡିପି ୧୬ ଆସନରେ ଲିଡ୍ କରୁଛି।