ଦିଲ୍ଲୀ ଅବକାରୀ ନୀତିରେ ଘୋଟାଲା ମାମଲାରେ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ଆଜି ପୁଣି ଥରେ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ସମନ ପଠାଇଛି। କେଜ୍ରିୱାଲ ବାରମ୍ବାର ଇଡିର ସମନକୁ ଏଡାଇ ଚାଲିଥିବା ବେଳେ ନବମ ଥର ପାଇଁ ସମନ ଜାରି କରିଛି ଇଡି।
ଜେରା ପାଇଂ ଆସନ୍ତା ୨୧ ତାରିଖରେ କାର୍ଯ୍ୟାଳୟରେ ହାଜର ହେବାକୁ କେଜ୍ରିୱାଲଙ୍କୁ କାର୍ଯ୍ୟାଳୟକୁ ଡକାଇଛି। ଏହା ପୂର୍ବରୁ ଇଡି କେଜ୍ରିୱାଲଙ୍କୁ ୮ ଥର ସମନ ପଠାଇ ସାରିଛି। କିନ୍ତୁ ମୁଖ୍ୟମନ୍ତ୍ରୀ କେଜ୍ରିୱାଲ ଏହି ସମନକୁ ବେଆଇନ ଏବଂ ରାଜନୈତିକ ଉଦ୍ଦେଶ୍ୟ ପ୍ରଣୋଦିତ ଦର୍ଶାଇ ହାଜର ହେଉନାହାନ୍ତି।
Also Read
ଫଳରେ ଏହାକୁ ନେଇ ଇଡି ଅଧିକାରୀ କୋର୍ଟରେ ହାଜର ହୋଇଥିଲେ। କେଜ୍ରିୱାଲଙ୍କ ବିରୁଦ୍ଧରେ ଦୁଇଟି ଅଭିଯୋଗ କରିଥିଲା ଇଡି। କେଜ୍ରିୱାଲ ବାବମ୍ବାର ସମନ ଏଡାଇ ଚାଲିଥିବାରୁ ତାଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ନେବାକୁ ଦାବି କରିଥିଲା କେଦ୍ରୀୟ ତଦନ୍ତକାରୀ ସଂସ୍ଥା।
ଗତକାଲି ରାଉଜ୍ ଆଭେନ୍ୟୁ କୋର୍ଟ ଏ ଉପରେ ବିଚାର କରିଥିଲେ। ଶୁଣାଣି ସମୟରେ କେଜ୍ରିୱାଲ ଇଡିରେ ହାଜର ନ ହେବାକୁ ନେଇ କାରଣ ଦର୍ଶାଇଥିଲେ। ଉଭୟ ପକ୍ଷଙ୍କୁ ଶୁଣିବା ପରେ କୋର୍ଟ ତାଙ୍କୁ ଆଗୁଆ ବେଲ୍ ଦେଇଛନ୍ତି। କିନ୍ତୁ ପ୍ରବର୍ତ୍ତନ ନିର୍ଦ୍ଦେଶାଳୟ ଏହି ମାମଲା ଉପରେ ଜେରା ପାଇଁ କେଜ୍ରିୱାଲଙ୍କୁ ପୁନର୍ବାର ସମନ ପଠାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
